Avropa İttifaqı rəsmiləri müharibədən sonra Ukraynanın yenidən qurulmasını maliyyələşdirmək üçün sanksiyalara məruz qalan rus oliqarxlarının aktivlərindən istifadə imkanlarını müzakirə edirlər.

Bu barədə Bloomberg vəziyyətlə tanış olan mənbələrə istinadən yazır.
İdeya çox erkən mərhələdədir və hələ qərar verilməyib. Mənbələrin dediyinə görə, bir ehtimal, aktivlərdən müharibə təzminatlarını maliyyələşdirmək üçün istifadə etmək olardı.

Bu aktivlərlə nə edəcəyinə dair qərar AB-yə üzv dövlətlərin ixtiyarındadır. Hazırda aktivlər yalnız dondurulub.

Bloomberg xatırladır ki, Rusiyanın Ukraynaya genişmiqyaslı müdaxiləsindən sonra Aİ onlarla rus oliqarxa, o cümlədən ölkənin ən zəngin milyarderlərinə qarşı sanksiyalar tətbiq edib. Onların yaxtaları, şəxsi təyyarələri və villaları həbs edilib.