Almatıda aksiya iştirakçılar zamanı 137 polis xəsarət alıb və onlardan 4-nün vəziyyəti ağır olduğundan reanimasiyaya yerləşdirilib.

“Azerinfo.az” “24.kz”a istinadən xəbər verir ki, Almatıda baş verən aksiya zamanı 190 nəfər xəsarət alıb.

Almatı şəhərinin Səhiyyə Departamentinin məlumatına görə, tibb müəssisələrinə 190 nəfər müraciət edib. Onlardan 150-si təcili yardımla, 40-ı isə özü tibb müəssislərinə gedib. Xəsarət alanların 40 nəfəri xəstəxanaya yerləşdirilib, onlardan 7-nin vəziyyəti ağır olduğundan reanimasiyaya yerləşdirilib. Ağır vəziyyətdə olanların 4-ü polisdir. Ümumlikdə isə xəsarət alanların 137 polis əməkdaşı, 53-ü isə mülki şəxslərdir.

Ria-Novosti isə yazır ki, aksiya iştirakçıları Almatı meriyasına basqın etməyə cəhd edib.

Təhlükəsizlik qüvvələri binanı xüsusi texnika, səsli qumbaraatanlardan istifadə edərək mühafizə edir. Binanı qatı tüstü bürüyüb.

Meriyanın qarşısında təxminən üç min aksiya iştirakçısı var. Polis meriyadan 50 metr aralıdakı köhnə iqamətgaha doğru çəkilib. Hücum edənlər bir neçə polis əməkdaşını döyüb, onların qalxan və dəbilqələrini götürüblər.