Rusiya ilə Türkiyə arasındakı əlaqələr müsbət inkişaf edir.

“Azerinfo.az” “ria.ru”ya istinadən xəbər verir ki, bunu RF prezidenti V.Putin Soçidə Türkiyə lideri R.T.Ərdoğanla görüşündə deyib.

Putin Moskva və Ankaranın qarşılıqlı faydalı kompromislər tapmağı öyrəndiklərini söyləyib.

Rusiya lideri qeyd edib ki, "bəzən danışıqlar asan olmur, sonda isə müsbət nəticə ilə yekunlaşır".

"Beynəlxalq müstəvidə biz olduqca uğurla əməkdaşlıq edirik. Mən həm Suriya, həm də təmaslarımızı, Liviya ilə bağlı mövqelərin əlaqələndirilməsini nəzərdə tuturam.

Azərbaycan-Ermənistan sərhədində yerləşən Rusiya-Türkiyə atəşkəsə nəzarət mərkəzi fəal şəkildə fəaliyyət göstərir", - Putin qeyd edib.

Putin iki ölkə arasındakı əməkdaşlığın sabitliyə zəmanət verdiyini vurğulayıb.

Ərdoğan isə öz növbəsində Suriyada Rusiya və Türkiyənin birgə addımlarının əhəmiyyətini qeyd edərək bölgədə sülhün iki ölkə arasındakı münasibətlərdən asılı olduğunu vurğulayıb.

Türkiyə Prezidenti həmçinin meşə yanğınları ilə mübarizədə göstərdiyi köməyə görə Rusiyaya minnətdarlığını bildirib.