ABŞ Əfqanıstandan çıxardığı qoşunlarını Orta Asiya və Körfəz ölkələrində və yaxud da ayrıca Hərbi Dəniz Donanmasına məxsus gəmilərdə yerləşdirə bilər.

Bu barədə “The Wall Street Jorunal”ına etibarlı mənbədən məlumat verilib.

Mətbu orqanının yazdığına görə, Amerika öz qoşunlarını daha çox Əfqanıstanla sərhəd olan Özbəkistan və Tacikistanda yerləşdirməyə üstünlük verir. Ancaq bu bölgədə Rusiyanın böyük hərbi qüvvələrinin olması, eyni zamanda Çinin artan təsiri ABŞ planlarının reallaşdırmasını çətinləşdirir. Mətbu orqanının məlumatına görə, ABŞ-a öz hərbçilərinin, pilotsuz aparatlarını, bombardmançı təyyarələrini və artilleriyasını yerləşdirmək üçün bazaya ehtiyacı var. Bu ona Əfqanıstandakı hakimiyyəti dəstəkləməyə və “Taliban”ı saxlamaq üçün lazımdır.

ABŞ hələ ki, Orta Asiya ölkələrindən hərbi baza yerləşdirməsini istəməyib. Bu məsələyə hələlik ABŞ Müdafiə Nazirliyində, Dövlət Departamentində və Ağ Evdə baxılır.
Mətbu orqanı onu da yazıb ki, Orta Asiya ölkələri özləri də Rusiya və Çinin təsirlərini tarazlaşdırmaq istəyirlər. Bununla belə Moskva və Pekin özləri də bölgədə sabitliyin təmin edilməsində Vaşinqtonun marağını bölüşürlər.

WSJ onu da yazıb ki, ABŞ-ın Əfqanıstan üzrə xüsusi nümayəndəsi Zalmay Xalilzad may ayında Özbəkistan və Tacikstanda səfərdə olub və orada keçirdiyi görüşlərdə Əfqanıstandakı vəziyyəti müzakirə edib. Özbəkistan və Tacikistan da bölgədə gərginliyin artacağından narahatdırlar. ABŞ-ın Özbəkistan və Qırğızıstanda hərbi bazası olub. Penataqon bu bazalardan Əfqanıstandakı əməliyyatlrda istifadə edirdi. ABŞ Özbəkistandan 2005-ci ildə, Qırğızıstandan isə təqribən 10 il əvvəl çıxıb.

ABŞ prezidenti Co Bayden bəyan edib ki, NATO qüvvələrinin 11 sentyabr terror aktının 20 illiyi ilə əlaqədar olaraq 11 sentyabr 2021-ci ilədək Əfqanıstandan çıxarılmalıdır.

Bundan sonra Əfqanıstanda bir neçə genişmiqyaslı terror aktları baş verib.