Ermənistanda deputat həmkarının qətlində şübhəli bilinən 73 yaşlı keçmiş deputat həbs olunub.Azərinfo.az-ın Ermənistanın tert.am saytına istinadən verdiyi xəbərə görə, "Çiçəklənən Ermənistan" Partiyasından keçmiş deputat olmuş Qoarik Yenokyan mayın 4-də axşam polislər tərəfindən saxlanılıb və müvəqqəti saxlama təcridxanasına göndərilib.
Erməni nəşrinin verdiyi məlumata əsasən, tutulan şəxs bu partiyanın sabiq başçısı Qaqik Sarukyanın anasının yaxın rəfiqəsidir. 73 yaşlı qadının vəkili Qeqam Akopyan bildirib ki, Q.Yenokyan partiyanın üzvü və deputat olmuş Karo Karepetyanın qətlinin hazırlığında iştirak etmək iddiası üzrə həbs olunub.
"Karo Karapetyanın öldürülməsi planının Qoarik Yenokyan tərəfindən hazırlanmasını əsaslandıran versiya varmı" sualına vəkil belə cavab verib: "Bu, uydurulmuş versiyadır və heç bir əsas və real fakt yoxdur."
"Çiçəklənən Ermənistan" Partiyasının sədri Naira Zoqrabyan ötən gecə təcridxanada saxlanılan Q.Yenokyana baş çəkib. O deyib ki, yaşlı insanı yüksək təzyiq altında həbs ediblər. İndi, o, həkimlərin nəzarəti altındadır. Mən həbs qərarının doğru saymıram. Onun azadlığa buraxılması üçün hökmən müraciət edəcəyik.







Ülkər