19 yaşlı erməni kursant Aykaz Barseqyanın ölümü ilə bağlı məhkəmə ekspertizasının nəticələri məlum olub.

Anspress-in məlumatına görə, ekspertizanın nəticələri təqdim edilsə də, vəkil Ara Zakaryan istintaqın gizliliyinə görə nəticələri açıqlamayacağını deyib. Onun sözlərinə görə, yeni ekspertizalar təyin ediləcək. Vəkil məhkəmənin psixoloji ekspertiza da təyin etməsinin mümkün olduğunu bildirib.
Xatırladaq ki, bu il yanvarın 29-da Ermənistanın Vazqen Sarkisyan adına Hərbi institutun idman zalında 19 yaşlı kursant Aykaz Barseqyanın asılmış meyidi tapılıb. Sonradan onun döyülərək öldürüldüyü müəyyən edilib.

Hadisə ilə əlaqədar içərisində onun hərbi xidmət yoldaşlarının da olduğu 5 nəfər həbs edilib. Həbs edilənlərdən biri Hərbi institutun zabiti - kapitan Artem Avetisyandır.