Əzhər şeyxinin İraqda döyüşən şiə yerli özünümüdafiə qruplarını tənqid etməsi İraq xarici işlər nazirliyinin sərt reaksiyasına səbəb olub.

Azerinfo.az Avropa.info-ya istinadən xəbər verir ki, Əzhər şeyxinin tənqidi İraq hökumətinin Misirin Bağdad səfirini çağıraraq nota verməsinə gətirib çıxarıb.

İraqın xarici işlər nazirliyinin verdiyi yazılı açıqlamada həmçinin Misir səfiri Əhməd Dərvişə Əzhər şeyxi Əhməd Tayyibin açıqlamalarına etiraz edildiyi bildirilir.

Açıqlamada bildirilir: "Bu cür tənqidlər iki qardaş ölkə arasında son dərəcə yaxşı olan dostluq əlaqələrinə zərər verir."

Xatırladaq ki, Əzhər şeyxi Əhməd Tayyib keçən həftə verdiyi açıqlamada İraq ordusu ilə İraqda İŞİD-ə qarşı mübarizə aparan şiə yerli özünümüdafiə dəstələrinin sünni xalqa qarşı qətliam törətdiklərini müdafiə etmişdi.

Daha sonra Tayyib sünnilərə qarşı törədildiyi iddia edilən qırğınların bir an əvvəl dayandırılması çağırışı etmişdi.

Xatırladaq ki, şiə yerli özünümüdafiə birlikləri İŞİD-in iyun ayında Mosul başda olmaqla bir çox şəhəri ələ keçirməsindən sonra din alimi ayətullah Əli Sistaninin fətvası ilə yaradılmışdı.

Mərkəzi Nyu Yorkda olan İnsan Haqqlarını İzləmə Təşkilatı son aylarda İraqda şiə döyüşçülərinin sünni bölgələrdəki vətəndaşlara qarşı qanun pozuntularının artdığını açıqlayıb.