Adnan Oktarın evindən tapılmış dörd səmavi kitabdan biri olan Tövratın yalnız sinaqoqlarda olmasının vacibliyi bildirilib.

“Milliyet” xəbər verir ki, maliyyə cinayətləri polisi bu kitabın Oktarın əlinə necə keçdiyini araşdırır.

Polislər Oktar qruplaşmasının Çəngəlköydəki evi və Ümraniyədəki deposundan külli miqdarda tarixi əsər aşkar ediblər. Həmin əsərlər tədqiqat üçün Ayasofiya muzeyi və Türk İslam Əsərləri muzeyinə göndərilib.

Tədqiqat nəticəsində aydın olub ki, Oktarın evində tapılmış əlyazma Tövrat yalnız sinaqoqlarda olması gərəkən bir əsərdir.

Türk İslam Əsərləri muzeyinə göndərilmiş nümunələrdən bir qisminin isə tarixi əsər olmadığı qeyd olunub.