Şəmkirdə ŞOK ÖZBAŞINALIQ - FOTOFAKT

Güllələnən icra başçısının qızına da Şuşada ev verildi - FOTO

Prezident İlham Əliyev Qarabağda möhtəşəm tunelin açılışını etdi: qürurverici GÖRÜNTÜLƏR

Prezident İlham Əliyev Əhmədbəyli-Füzuli-Şuşa avtomobil yolunda görülən işlərlə tanış olub

Prezidentdən Heydər Əliyevlə bağlı paylaşım

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Şəmkirdə ŞOK ÖZBAŞINALIQ - FOTOFAKT

Dunya / Bolge

Oxunub: 640

3 avq 2018 | 18:15

Şəmkir şəhəri, Səttərxan küçəsi, 19 ünvanında yaşayan Elman Zamanov “Azəriqaz” İstehsalat Birliyini 1600 manatlıq fırıldaqda ittiham edir. Virtualaz.org-a müraciət edən şikayətçi deyir ki, qışdan bəri istifadə etdiyi qaza görə cəmi 200 manat borcu olub və onu da avqust ayının sonuna qədər ödəməyi planlaşdırıb. Amma günlərin birində qaza görə 1600 manat borcunun olduğunu abonentə çatdırıblar. Onun sözlərinə görə, qaz operatorunun birdən-birə bu qədər “borc”u haradan çıxarması müəmmalıdır.

“Səhər yuxudan ayıldıq ki, bizə bu ilin iyul ayının 1-dək olan qaz sərfinə görə 1815 manat borc gəlib. Bunun 200 manatı əvvəlcədən var idi və avqustun sonuna qədər ödəyəcəyik. Əlavə 1600 manatı görəndə şok keçirdik və hələ də özümüzə gələ bilmirik...”, - deyə şikayətçi bildirir.

E. Zamanov qeyd edir ki, 2 ay əvvəl Şəmkir Regional Qaz İstismar İdarəsinin Şəmkir Xidmət Sahəsinin işçiləri onun mənzilindəki qaz sayğacının köhnə olmasını əsas gətirərək çıxarıb aparıblar və yerinə yenisini quraşdırıblar.

Köhnə sayğac aparılanda işlək vəziyyətdə olub, üzərində plomb var imiş və ona heç bir kənar müdaxilə olunmayıb: “Amma indi məlum olub ki, guya sayğacın ekspertizası nəticəsində cihaza müdaxilə aşkarlanıb və nəticədə bizim bu qədər borcumuz yaranıb. Bu borc necə yığıla bilər axı? Mən 2017-ci il ərzində qaz sərfinə 1083 manat görə pul ödəmişəm. Qoy araşdırsınlar ki, bir abonent bundan artıq nə qədər qaz işlədə bilər?”

Şikayətçi deyir ki, eyni aqibətlə üzləşən təkcə o deyil, qonşuluqda yaşayan Eyvaz Məmmədov adlı abonent də üzləşib, ona 1700 manat borc yazılıb.

E. Zamanov problemi araşdırmaq üçün Şəmkir Regional Qaz İstismar İdarəsinə müraciət etsə də, ona borcun ekspertiza nəticəsində təyin olunduğunu və məsələnin onlara aid olmadığını bildiriblər. Şikayətçi Şəmkir və Respublika prokurorluğuna, SOCAR-a, dövlət başçısına rəsmi məktubla müraciət etdiyini deyir.

Prokurorluqdan isə şikayətin mülki iddia olduğu əsas gətirilərək məhkəməyə müraciət etməli olduğunu deyiblər: “Şəmkir Məhkəməsinə də müraciət eləmişəm. O qədər sənəd tələb edirlər ki, inanın başımı itirmişəm, heç bilmirəm onları necə tapıb düzəldəcəyəm. Oturduğumuz yerdə bizi zülmə salıblar. Bizə gələn bildirişdə də deyilir ki, Nazirlər Kabinetinin qərarına əsasən, borcu 3 gün ərzində ödəməliyik, əks halda qazımız kəsiləcək. Belə çıxır ki, haqlı olduğumuzu sübut eləyənə qədər 9 nəfərdən ibarət ailə qazsız qalacaq”, - deyə E. Zamanov bildirir.

Problemi araşdırmaq üçün “Azəriqaz” İstehsalat Birliyi ilə əlaqə saxladıq. “Azəriqaz”ın mətbuat xidmətinin rəhbəri İbrahim Kərbalayev virtualaz.org-a bildirdi ki, şikayətləri araşdırmaq üçün Şəmkir Regional Qaz İstismar İdarəsinin tərkibində şöbə var. Oradan şikayətə nə cavab verilibsə, o da əsasdır.

Xatırladaq ki, oxşar problemlə bağlı bir neçə gün əvvəl Svetlana və Sergey Şulindinlər də müraciət etmişdilər. Onlar ASAN xidmət vasitəsilə ödəniş etmək istəyərkən 1339,2 manat borcla qarşılaşıblar. Ailə iddia edir ki, indiyə qədər sərf etdikləri qaza görə bütün ödənişləri edib və bu qədər borcun yaranması mümkün deyil.

Son vaxtlar “Azəriqaz” İstehsalat Birliyinin qaz itkilərini ört-basdır etmək üçün abonentlərə kütləvi şəkildə iri məbləğdə cərimələr və borclar yazdığı haqda məlumatlar var. Bir müddət əvvəl Neftçilərin Hüquqlarını Müdafiə Komitəsinin rəhbəri Mirvari Qəhrəmanlı “Azəriqaz”ın abonentləri kütləvi cərimələməsinə dair sənədin surətini yaymışdı.