Ermənilər Qubadlı rayonun Xanlıq kəndi ərazisində 50 yeni evin tikintisinə başlayıblar.
News12.az-ın məlumatına görə qondrama Artçax respublikasının və “Kaşataq” fondunun dəstəyi hesabına tikilən evlər Suriyalı qaçqınlara və digər ərazilərdən Qarabağa köçən miqrantlara veriləcək. Hazırda 45 evin tikintisi başa çatmaq üzrədir.Qəsəbədə uşaq bağçası, məktəb, tibb məntəqəsi və digər sosial obyektlər tikilir.
Qeyd edək ki, Qubadlı rayonunun Xanlıq (İşxanadzor) kəndi ərazisində 2012-ci ildən məskunlaşmağa başlayan Suriya ermənilərinin sayı 300-dən artıqdır. Ərazidə məktəb, həkim məntəqəsi və digər infrostukturlar yaradılıb. Hazırda Xanlıq kəndində ki, orta məktəbdə 70-dən artıq şagird təhsil alır.