Rusiyaya məxsus qəzaya uğrayan Mi-8 vertolyotu Xabarovsk şəhərinin küçələrindən birinə düşüb.

Avropa.info xəbər verir ki, bu barədə Rusiya FHN məlumat yayıb.

““Vostok” şirkətinə məxsus vertolyot təlim uçuşu keçirirmiş. Lakin texnikanın nasazlığı üzündən ekipaj şəhərə qəza enişi etməyə başlayıb və vertolyot Karla Marks küçəsinə çırpılıb” – məlumatda deyilir.

Yerə çırpılma zamanı zərbə elə güclü olub ki, vertolyotun parçaları ətrafa uçub və yanmağa başlayıb.

Qəza yerində 6 nəfərin cəsədi aşkarlanıb. Onların hamısının vertolyotun göyərtəsində olduğu ehtimal olunur. Qəza səbəblərindən biri kimi ekipaj üzvünün səhvi göstərilir.