Sərvəti milyardlarla ölçülən azərbaycanlı “qanuni oğrular”

Güllələnən icra başçısının qızına da Şuşada ev verildi - FOTO

Prezident İlham Əliyev Qarabağda möhtəşəm tunelin açılışını etdi: qürurverici GÖRÜNTÜLƏR

Prezident İlham Əliyev Əhmədbəyli-Füzuli-Şuşa avtomobil yolunda görülən işlərlə tanış olub

Prezidentdən Heydər Əliyevlə bağlı paylaşım

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Sərvəti milyardlarla ölçülən azərbaycanlı “qanuni oğrular” — SİYAHI

Dunya

Oxunub: 588

23 fev 2018 | 11:08

Sərvəti milyardlarla ölçülən azərbaycanlı “qanuni oğrular” — SİYAHI

Ən varlı azərbaycanlılar (bəzi məlumatlara görə, milyarderlər) arasında "qanuni oğrular" Lotu Quli, Yusif Şamxorski, Diplomat Vaqif, Albert Rıji və Rəşad Gəncinski də var. Onların əsas gəlir mənbələri Rusiya ərazisindədir.
"Ölkə.Az" xəbər verir ki, bu barədə məlumatları Sputnik Azərbaycan-a kriminal dairələrə yaxın mənbə Rusiya Daxili İşlər Nazirliyinin rəhbərliyinin bəyanatını şərh edərkən verib.

Rusiyanın hüquq-mühafizə orqanlarının qarşısına ifrat ambisiyalı vəzifə qoyulub — "qanuni oğrular"ın ölkədən çıxarılması və kriminal elementlərdən təmizlənməsi.

"Komsomolskaya pravda" qəzetinin məlumatına görə, Rusiyanın daxili işlər naziri Vladimir Kolokoltsev kriminal avtoritetlərin ölkədən çıxarılması barədə qərar qəbul edib. Hazırda 51 yaşlı Aslan Kobuladze və Suliko Şarikadzenin Gürcüstana yola salınmasına hazırlıq gedir. Qırğızıstana isə 43 yaşlı Kamçibek Kolbayev göndəriləcək. Bir müddət əvvəl isə Baçuka Paçuliya (Pontiyski) Rusiyadan Gürcüstana deportasiya edilib.

Rusiya DİN-i ən fəal "qanuni oğrular"ın siyahısını hazırlayıb. Onlar 432 nəfərdir. Onlardan 318 nəfəri hazırda azadlıqdadır, 114-ü həbsxanada. 31 "qanuni oğru" istintaq altında, 19-u isə axtarışdadır. Həmişə olduğu kimi, kriminal avtoritetlər arasında ilk yeri gürcülər (242) tutur. Sonrakı yerləri ruslar (51), ermənilər (30), yezdilər (26), azərbaycanlılar (16), abxazlar (10), çeçenlər (8) və yəhudilər (7) bölüşür.

Bu yaxınlarda Ukrayna Milli Polisi bildirmişdi ki, Lotu Quli adlı "qanuni oğru" Nadir Səlifovun yerli kriminal dairələr arasında artan nüfuzundan narahatdır. 25 il həbsxanada yatmış Nadir Səlifov Türkiyədə oturaraq ətrafına cinayətkar klan toplamağa başlayıb və paralel olaraq Ukrayna ərazisinə də öz təsirini yayır.

"Onun azadlığa çıxmasından dərhal sonra Ukrayna ərazisində meyvə-tərəvəz bazarında ticarətlə məşğul olan müxtəlif millətlərdən olan (erməni, ukraynalı) şəxslərin oğurlanmasına başlanılıb. Nadir Səlifov çox müasir cinayətkardır, hansı ki, pulu bitkoinlə tələb edir" — deyə Ukrayna Milli Polisi rəhbərinin birinci müavini Vyaçeslav Abroskin özünün "Facebook" səhifəsində yazmışdı.

Ukrayna milli polisinin rəhbərliyi bəyan edib ki, ölkə ərazisində mütəşəkkil cinayətkar qruplaşmaların mövcudluğuna və kriminogen situasiyanın gərginləşməsinə imkan verməyəcəklər. Kriminal situasiyaya təsir göstərən şəxsləri polis Ukrayna sərhədlərindən çıxaracaq.
Hazırda Ukraynada mütəşəkkil cinayətkarlıqla mübarizə idarəsini əvəz edəcək mütəşəkkil cinayətkarlıqla mübarizə dəstələrinin yaradılması üzərində iş gedir. Əsas problemləri kriminal avtoritetlərin günahlandırılması üçün dəlillər bazasının zəif olmasıdır. Bunun üçün cinayətkar şəbəkənin üzvləri idarənin əməkdaşlarına tanıdılacaq və onlar gizli iş aparacaqlar.

Ukrayna Daxili İşlər Nazirliyindən sayta verilən məlumata görə, Ukrayna Milli Polisi ölkə ərazisində olan, ölkədə sabitliyin pozulması və kriminogen durumun gərginləşdirilməsi məqsədilə Ukrayna qanunvericiliyini pozan bütün kriminal elementlərlə mübarizə aparacaq. Ukrayna DİN-də də Rusiyanın anoloji qurumunda olduğu kimi "qanuni oğrular"ın siyahısı var. Çünki kriminal avtoritetlər bütün MDB məkanında öz nüfuz dairələrini yaradıblar. Əldə olunan məlumatlara görə, Səlifov hazırda MDB ölkələrindəki bütün göyərti bazarlarını işğal etməyə ciddi şəkildə cəhd göstərir.

Kriminal dairələrə yaxın mənbələrin verdiyi məlumata görə, hüquq-mühafizə orqanlarının "qara siyahı"sındakı "qanuni oğrular" bunlardır: Nadir Səlifov (Lotu Quli), onun qardaşı Namiq Səlifov, Hacıbaba Talıbxanlı (Hacı Beyləqanski), Yunus Nəzərov (Yunus Bakinski), Arif Mehdiyev (Arif Sumqayıtski), Vaqif Süleymanov (Diplomat Vaqif), İlqar Əliyev, Cavid Məmmədov (Dato Ağcabədinski), Taleh Dağlıyev (Tolik Noqinski), Emin Əhmədov (Emin Hacıqabulski), Rafet Əmirov (Rafet Əlibayramlinski), Rəşad İsmayılov (Rəşad Gəncinski), Əli Heydərov (Albert Rıji), Yusif Əliyev (Yusif Şamxorski), Zaur Şipilov (Zaur Naxçıvanski), Ülfət Tağıyev (Rüfət Gəncinski). Onlardan İlqar Əliyev, Taleh Dağlıyev, Emin Əhmədov, Zaur Şipilov, Əli Heydərov və Ülfət Tağıyev hazırda Rusiya həbsxanalarındadırlar.

Yunus Nəzərov hazırda Özbəkistan ərazisində yaşayır. Rafet Əmirov Türkiyədədir, lakin İnterpolun Rusiya Milli Bürosu tərəfindən axtarışdadır. Hazırda Lotu Quli də Türkiyədə yaşayır. Cavid Məmmədov Ukrayna ərazisindədir. Qeyd edək ki, onların bir hissəsi Rusiya vətəndaşlarıdır və çoxdan bu ölkəyə yerləşiblər. Siyahıdakı 51 oğru Rusiya pasportu daşıyan slavyanlar və böyük kapital sahibləridir. Onlardan Sergey Aksyonovun (Aksen İzmaylovski) vəsaiti 2 milyard dollar dəyərində qiymətləndirilir. "Bratskoy" mütəşəkkil cinayətkar qruplaşmanın lideri Vladimir Tyurinin (Tyurik) də vəsaiti 2 milyard dollar civarındadır. Digər oğruların vəsaitləri isə bir neçə on milyon dollar həcmindədir.

Bu gün azərbaycanlı "qanuni oğrular" arasında ən varlıları (milyarderlər) Lotu Quli, Yusif Şamxorlu, Diplomat Vaqif, Albert Rıji və Rəşad Gəncinskidir. Arif Mehdiyev və Yunus Nəzərova gəlincə, onların titulları olsa da, pulları yoxdur.

Sözügedən "qanuni oğrular"ın əsas gəlir mənbələri Rusiya və digər MDB ölkələrinin ərazisindədir. Ona görə də, hüquq-mühafizə orqanlarının bu "yeraltı mədəniyyət"dən biryolluq xilas olacağı az inandırıcıdır.