Qətnamə qəbul olunub.

Terrorizm dünyada əksər hallarda transmilli cinayətkar fəaliyyətinin, o cümlədən də narkotik vasitələrin qanunsuz dövriyyəsi və təbii resursların qanunsuz hasilatından olan gəlirlərin hesabına çiçəklənir.

Azerinfo.az Rosbalt-a istinadən xəbər verir ki, bu barədə BMT baş katibinin siyasi məsələlər üzrə müavini Ceffri Feltman bəyan edib.

O, “Boko Haram”, “Əl Qaidə”, “Taliban” və İŞİD cinayətlərinə diqqət yönəldərək qeyd edib ki, bu qrupların fəaliyyəti terrorizm və transmilli cinayətkarlıq arasında birbaşa əlaqəyə işarədir.

Cümə günü BMT-nin Təhlükəsizlik Şurasının üzvləri dövlətlərə terroristlərin sərhədlərdən keçməsinə icazə verməmək və terror aktlarının, əsasən də silah, narkotik vasitələrin dövriyyəsinin, insan alverinin və qızıl daxil olmaqla təbii resurslar vasitəsilə maliyyələşdirilməsinin qarşısını almaq tələbi ilə qətnamə qəbul edib.