Hava limanının bütün giriş və çıxışlar bağlanıb

İstanbulun “Atatürk” beynəlxalq hava limanında partlayış və atışma nəticəsində, ilkin məlumata görə, 10 nəfər həlak olub.

Azerinfo.az-ın “Milliyet” nəşrinə istinadən verdiyi xəbərə görə, bunu Türkiyənin ədliyyə naziri Bəkir Bozdağ deyib.

Hazırda “Atatürk” hava limanında təyyarələrin uçuşuna və enməsinə qadağa qoyulub.

28.06.2016 23:31

Türkiyənin İstanbul şəhərinin Atatürk adına aeroportunda partlayış baş verib.

Azerinfo.az-ın xəbərinə görə, bu barədə TRT Haber telenakanalı məlumat yayıb.

Partlayışlar beynəlxalq uçuş terminalında baş verib.

Bildirilir ki, partlayışdan sonra silah səsləri eşidilib. Hadisə şahidlərinin sözlərinə görə, 4 silahlı şəxs partlayışlardan sonra ərazidən qaçaraq uzaqlaşıb.

Hava limanına çoxlu sayda təcili tibbi yardım maşını, polis və yanğınsöndürən göndərilib.

Hava limanının bütün giriş və çıxışlar bağlanıb.

Hadisənin terror aktı olduğu bildirilir.