Onun səfəri 2 gün davam edəcək.

ABŞ dövlət katibi Con Kerri Rusiyada səfərdədir. ANS PRESS-in məlumatına görə Kerri bu gün Moskaya gəlib. Onun səfəri 2 gün davam edəcək. Rusiya KİV-lərinin məlumatına əsasən Kerri səfəri çərçivəsində Rusiya prezidenti Vladimir Putin və xarici işlər naziri Sergey Lavrovla görüşəcək.

Görüş zamanı müzakirə olunacaq əsas məsələlər Suriya böhranı, Ukrayna və Yaxın Şərqdəki vəziyyət , həmçini beynəlxalq təhlükəsizliyin üzləşdiyi problemlər olacaq.
Rusiya Xarici İşlər Nazirliyinin yaydığı məlumata görə, Rusiya -Amerika münasibətləri hələ də mürəkkəb olaraq qalır. Buna görə də, rəsmi Moskva ümid edir ki, Con Kerrinin səfəri Rusiya-Amerika münasibətlərinin normallaşmasına xidmət edəcək. Bu son 1 il ərzində Kerrinin Moskaya 3-cü səfəridir.
Sonuncu dəfə Kerri Rusiyaya ötən ilin dekabr ayında gəlib. Həmin görüşdə ikitərəfli, həmçinin İran, Suriya və Ukrayna daxil olmaqla regional və beynəlxalq məsələlərin müzakirə olunmuşdu. Görüşdə həmçinin Türkiyə-Rusiya qarşıdurmasına da toxunulub.

***

Rusiyada səfərdə olan Kerri Moskvanın mərkəzi küçəsi “Arbat”da bazarlıq edib.

ABŞ-ın dövlət katibi Con Kerri Moskvanın mərkəzi küçəsi “Arbat”da bazarlıq edib.
ANS PRESS-in məlumatına görə, onun şəkilləri ABŞ-ın Rusiyadakı səfirliyinin mətbuat katibi Uilyam Stivens tərəfindən “Twitter” də paylaşılıb.
Kerrini alış-veriş zamanı köməkçisi Viktoriya Nuland və ABŞ-ın Rusiyadakı səfiri Con Teft müşayiət edib. ABŞ-ın dövlət katibinin mərkəzi küçədə gəzintisi Moskva sakinlərinin diqqətini cəlb edib.
Dövlət katibi Arbat küçəsindəki dükanlardan birindən hədiyyə alıb. O, hədiyyəyə 35 min rubl xərcləyib. Kerri uzun müddət hədiyyələrə baxıb və sonra nənələrdən ibarət matryoşkaya 8 min xərcləyib. O həm də hər biri 1700 rubl olan 3 ədəd parça kukla alıb. Onun aldığı ən bahalı hədiyyə isə iki kəhrəba qaşlı üzük olub. ABŞ dövlət katibi həmin üzüklərin hər birinə 10 min rubl verib.


O, gəzintiyə Rusiyanın xarici işlər naziri Sergey Lavrovla görüşündən sonra çıxıb. Bu gün isə Con Kerrinin prezident Vladimir Putinlə görüşəcəyi gözlənilir.
Kerrinin bundan əvvəlki səfərində Putin çay süfrəsinə qonaq etmişdi. Görüş Vladimir Putinin Soçidəki iqamətgahındə baş tutmuşdu. Həmin vaxt 90 dəqiqə planlaşdırılan görüş, qeyri-formal olaraq dörd saat davam etmişdi.