Terrorçu- kamikadzenin 24 yaşlı Mehmet Öztürk olması DNA testi zamanı təsdiqini tapıb

Ötən gün İstanbulun İstiqlal prospektində terror aktı törədən "terrorçu-kamikadzenin" kimliyi bilinib. ANS PRESS-in Hürriyət qəzetinə istinadən verdiyi məlumata görə, bu Mehmet Öztürkdür. Bu fakt bu gün tamamlanan DNA testi zamanı təsdiqini tapıb.
Türkiyədə polisi və kəşfiyyatı İstanbulda terror aktı törədən "kamikadzenin" ölkədə axtarışda olan 4 İŞİD terrorçusundan biri olan Savaş Yıldız, yaxud görüntüsü müşahidə kameralarına düşən 24 yaşlı Mehmet Öztürkün olması ilə bağlı iki ehtimalı araşdırırdı.
Məhmət Öztürk 1992 Qaziantepdə anadan olub. Polis onun atası və qardaşını şübhəli qismində qeydə alıb.
İstanbulda terror aktı martın 19-da turistlərin çox olduğu ərazilərindən biri olan İstiqlal prospektində - Taksim meydanı yaxınlığında törədilib. Nəticəsidə 5 nəfər ölüb, 19 nəfər yaralanıb. Yaralılar arasında xarici vətəndaşlar olub.