Xəsarət alanlar arasında 22-29 yaş arası İspaniya, Böyük Britaniya, İsveçrə, Norveç, Türkiyə və Ukrayna vətəndaşları var.

İspaniyanın Tarraqona əyalətində (Kataloniya müxtariyyatı - red. ) baş verən avtobus qəzasında azı 14 nəfər həlak olub. ANS PRESS-in yerli mətbuata istinadən verdiyi məlumata görə, hadisə zamanı 43 nəfər xəsarət alıb onlardan 30-u xəstəxanaya çatdırılıb. Qəza yerli vaxtla saat 06:00-da baş verib. (Bakı vaxtı ilə 09:00-da - red. ) Qəza zamanı içərisində 57 sərnişin olan avtobus və minik avtomobili toqquşub. Hadisə Amposta şəhəri yaxınlığında qeydə alınıb.
"Ölənlərin əksəriyyəti xarici ölkə vətəndaşı olan tələbələridir"

İlkin məlumata görə, Barselona istiqamətində hərəkət edən avtobus minik avtomobilinin yoluna çıxıb və nəticədə qəza qaçılmaz olub.
Ölənlərin əksəriyyəti xarici ölkə vətəndaşı olan tələbələridir. Həmin tələbələr “Eramus” tələbə mübadilə proqrammı çərçivəsində İspaniyaya gəliblər. Xəsarət alanlar arasında 22-29 yaş arası İspaniya, Böyük Britaniya, İsveçrə, Norveç, Türkiyə və Ukrayna vətəndaşları var.

Hadisə ilə bağlı İspaniyanın baş naziri Mariano Rahoy ölənlərin ailələrinə baş sağlığı verib.