Mingəçevir Şəhər Mənzil Kommunal Təsərrüfatı İstehsalat Birliyi xüsusi texnikaların satınalınması ilə bağlı elan etdiyi tenderdə qalib olan şirkət "Unitexnika" MMC ilə müqavilə imzalayıb. Müqavilənin məbləği 129 min 92 manatdır.
"Unitexnika" MMC-nin nizamnamə kapitalı 10 AZN, qanuni təmsilçisi isə Edvin Mustafayev Valeh oğludur. Müqaviləyə görə, Mingəçevir Şəhər İcra Hakimiyyətinin tabeliyində olan MTK-ya teleskopik qaldırıcı səbət və mişar dəyirmanı alınmalıdır. Belə tenderlər az deyil, davamlı olaraq Mingəçevir Şəhər İcra Hakimiyyəti tender elan edir.
Nəzərinizə çatdıraq ki, 2022-ci il tarixli tender elanında qeyd olunub ki, Mingəçevir şəhər küçələrinin asfalt örtüyünün əsaslı təmirinə 2 milyon 169 min 787 manat vəsait ayrılıb. Sonradan aydın olur ki, 2023-cü il tarixdə Mingəçevir Şəhər İcra Hakimiyyəti adı qismən dəyişərək yolların və səkilərin əsaslı təmir işinə 2 milyon 184 min 640 manat maliyyə ayrılıb.



Gülməlidir, elə deyilmi? Diqqətlə yazıdakı tender məbləğinə, bir də ayrılan asfalt və səkilərin, yolların təmirinə baxın. Aydın olur ki, 2022-ci və 2023-cü ildə ayrılan tenderlər hər ikisi eyni təmirin icrasına yönəlir. Bu isə qaranlıq hallar və sual doğurur. Axı necə ola bilər ki, 2022-ci il tarixdə asfalt təmirinə, 2023-cü il tarixdə yolların, səkilərin təmirinə bu qədər vəsait ayrılsın? Hər iki eyni təmirin əsasıdır.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "ATF" MMC 23 dekabr 2003-cü ildə qeydiyyata alınıb. Nizamnamə kapitalı 20 AZN olan şirkətin hüquqi ünvanı Göyçay rayonunun Çayarxı kəndində yerləşir. MMC-nin qanuni təmsilçisi Muradov Təbriz Əzim oğludur. "Tender kralı" kimi tanınan "ATF” MMC Azad, Təbriz və Fəxrəddin Muradov qardaşlarına məxsusdur. Şirkətin adı da qardaşların adlarının baş hərflərinin birləşməsidir.
Ardı var...
Qarşı tərəfin mövqeyini dinləməyə hazııq..
Gəncə müxbiri Azər
siam.az
Səhifəmiz hamı üçün açıqdır..
Teref. Xocanın Blogu