Barəsində yetərincə ağır ittihamlar səslənən Naxçıvan Muxtar Respublikasının təhsil naziri Rəhman Məmmədov deyəsən, yerində qalası olub. Bu baarədə DİA.AZ-a Naxçıvandakı mötəbər mənbələrdən informasiya daxil olub.

Xəbəri verən qaynaq iddia edir ki, R.Məmmədovla bağlı qərarın verilməsi struktur islahatlarına qədər yubanacaq. Mənbə dia.az-a danışır:

"Son zəng günü Naxçıvanda olan təhsil naziri Emin Əmrullayev əslində, bu addımı ilə xüsusi mesaj da vermişdi. Yəni hər kəs belə başa düşdü ki, Naxçıvan təhsilində ciddi islahatlar olacaq. Amma hələlik belə bir addım atılmayıb. Adı korrupsiyada və müxtəlif şübhəli əməllərdə hallanan MR təhsil naziri vəzifəsində qaldı və hətta Əmrullayevlə yanaşı durub şəkil də çəkdirdi".

Mənbə iddia edir ki, ola bilsin yaxın günlərdə Naxçıvan MR Təhsil Nazirliyi bir struktur kimi ləğv olunacaq və əvəzində müvafiq regional təhsil idarəsi yaradılacaq: "Belə bir plan var və Prezidentə təqdim olunub".