Göyçayda Vətən müharibəsi veteranının xəstəliyinə əlac edən yoxdur

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Göyçayda Vətən müharibəsi veteranının xəstəliyinə əlac edən yoxdur

Bolge / Video

Oxunub: 327

19 apr 2023 | 00:43

Göyçay rayonu Kürdşaban kənd sakini Vətən müharibəsi veteranı İbrahimov Rəşad Elbrus oğlu tərəfindən

ŞİKAYƏT

Mən Göyçay rayonu Kürdşaban kənd sakini İbrahimov Rəşad Elbrus oğlu Vətən müharibəsi veteranıyam. Ailəliyəm və üç qız övladım var. Müharibədən təxris olunduğum vaxtdan bir neçə ay sonra həyat yoldaşım, daha sonra isə anam vəfat etdi. Hazırda övladlarım mənim himayəmdədir. Özüm heç yerdə işləyə bilmirəm. Çünki, müharibə zamanı döyüş avtomobilindən yıxılaraq ağır zədə almışam. Belimdə disk yırtığı (qrija) var. Maddi imkanım olmadığına görə əməliyyat elətdirə bilmirəm. "Dərdimin dərmanı tapıldı", zənn edib Göyçay Rayon İcra Hakimiyyəti başçısı Natiq Ağayevin qəbuluna getdim. O, mənə köməklik göstərilməsi üçün Göyçay Rayon Mərkəzi Xəstəxanasının direktoru Yaşar Əhmədova göstəriş verdi. Halbuki, mənim səhətimdəki problemin həlli Göyçay RMX-da olsaydı, heç İcra başçısına ağız açmazdım. Əlbəttə əməliyyatım rayon səviyyəsində deyil, Bakı şəhərində həyata keçirə bilər və buna görə 3800 (üç min səkkiz yüz) manat pul tələb olunur. Mən icra başçısının mənə maddi dəstək olmayacağına əmin olduqdan sonra videomüraciət edərək ölkə rəhbəri cənab İlham Əliyevdən yardım istəmək qərarına gəldim. Ancaq yalnış münasibətlə qarşılanacağımı düşünmürdüm. Belə ki, Göyçay Rayon İcra Hakimiyyəti Vətən Müharibəsi İştirakçıları və Şəhid Ailələri ilə İşin Təşkili Şöbəsinin böyük məsləhətçisi Cavidan Yaqubov 17.04.2023 il tarixdə mənə zəng edib özündən razı şəkildə, kobud və aqressiv danışmağa başladı. Mənə "Sən "YouTube"-də video çəkib paylaşdığına görə cənab başçı Natiq Ağayev artıq sənə əsla köməklik göstərməyəcəkdir. Get kimə lazımdır şikayət elə, lap ürəyin istəyirsə Ulu Öndərin məzarından yardım dilə. Bir sözlə, cənab başçısının yardımından əlini üz", - dedi. Yatar yuxuma girməzdi ki, icra başçısı belə bir söz deyər. Özü də yeni təyin olunub. Mən mətbuat vasitəsilə Ali Baş Komandan cənab İlham Əliyevə üzümü tutaraq bildirmək istəyirəm ki, Sizin əsgərinizə Göyçayda qiymət verən yoxdur. Rayonda bütün qapılar üzərimə bağlıdır. O qədər sıxıntılar çəkirəm ki, dərdimi dağlar qaldıra bilməz. Üç yetim uşağa baxmaq, üstəlik də işsiz və eyni zamanda xəstə vəziyyətdə hər şey çox çətindir. Neft və qaz ölkəsində qış fəslini odun yandırmaqla isinmişik. Uşaqlarıma qarın dolusu yavan çörək tapıb yedizdirəndə həmin gün sevinirəm. Sizdən çox xahiş edirəm, xərci 3800 (üç min səkkiz yüz) manat təşkil edən əməliyyatımın qarşılanmasına köməklik göstərəsiniz. Ümid edirəm, Sizin göstərişinizlə dərhal şikayətim təmin ediləcəkdir. Öncədən təşəkkürlərimi bildirirəm.

Əlaqə telefonu; 0504854728