Cəlilabad rayonun bir neçə kəndində pambıq sahələri susuz qalıb.

Bu barədə "Report"un Muğan bürosuna Cəlilabad rayonunun muğan hissəsində yerləşən kəndlərin bir neçə fermeri müraciət edib.

Onların bildirdiyinə görə, pambığın sahələrinin hal-hazırda suya ehtiyacı yaranıb:

"Biz sahəni suvarmağa su tapmırıq. Su olmasa, bu il məhsuldarlıq kəskin şəkildə aşağı düşə bilər. Məcbur qalıb sahələri şor su ilə suvarmışıq. Bu da torpağın keyfiyyətinin məhv olmasına gətirib çıxaracaq.

Məsələ ilə bağlı Cəlilabad Suvarma Sistemləri İdarəsindən bildirilildi ki, rayona gələn su kanalına buraxılan suyun miqdarı azaldığı üçün bu problem yaranıb.

Qeyd edək ki, ötən il Cəlilabadda 500 hektar sahədə pambıq əkilsədə, bu il sahə 100 hektara qədər azalıb.