Dünyanınsəsi.Az saytına Gədəbəy rayonun Qoşabulaq kənd sakini xanım Ülkər Məmmədova tərəfindən şikayət ərizəsi göndərilib.
Şikayətçi qeyd edir ki, Qoşabulaq kəndi ərazisində yerləşən meşə massivində hər kəsin Şahzadə bulağı kimi tanıdığı ərazi Tovuz Regional Meşə Təsərrüfatı Mərkəzinə aiddir.

Sözügedən meşə massivində sabiq polis rəisi Cahangir Hüseynov tərəfindən bir neçə kotejlər tikilib.Həmin kotejlər C.Hüseynov tərəfindən “Rembo” ləqəbli bir şəxsə həvvalə edilib.Bu Rembo da kotejləri əxlaqsız yuvasına çevirib.
Gədəbəyli xanım saytımıza yazmış olduğu ərizədə onu da qeyd edir ki, nə özümüz o meşəyə gedə bilirik nə də ki, qohum-əqrabamız.Bu meşə massivinə yay mövsümü gələndə bütün Gəncəbasar əhalisi gəlib burda istirahət edirlər.
Sabiq polis rəisinin “Rembo”su ümumi istifadə də olan ayaq yolu və bulaqdan əhalinin istifadəsinə icazə vermir.
Rembo deyir ki, “Bu meşədə mənəm, Bağdadda kor xəlifə”. Kənd sakinləri meşə fondu üzərində “cəlladlıq” edən bu şəxsin özbaşınalığından dəfələrlə Daxili İşlər Nazirliyinin “102” qaynar xəttinə şikayət edilsədə heç bir rəsmi tədbir görülmədiyini də bildirirlər. Məlumat üçün qeyd edək ki, Azərbaycan Respublikasında meşə fondu dövlətə mənsubdur və onun mülkiyyətidir.Meşələr və meşə fondunun torpaqları özəlləşdirilmir. Meşə fondunun vəziyyətinə, istifadəsinə, mühafizəsinə, qorunmasına və meşələrin bərpasına isə dövlət nəzarət edir.Qanunvericiliyin yuxarıda qeyd etdiyimiz tələbləri niyə Tovuz Regional Meşə Təsərrüfatı Mərkəzinin direktoru Məhəmməd Tağıyev tərəfindən pozulub?
Tovuz Regional Meşə Təsərrüfatı Mərkəzi üzərinə düşən öhdəlikləri pozaraq C.Hüseynovla separat danışığa gedərək meşə qanunvericiliyinin pozulmasına görə məsuliyyəti maddi maraqlara qurban verib.
Belə olmsaydı tabeliliyində olan rayonların meşələrinin dağıdılmasına, meşə zolağına mal qoyun sürülərinin lövbər salmasına, hətta kotejlərin tikilməsinə şərait yaratmazdı. Sabiq polis rəisi isə meşə massivində ağacları kəsib yerində betonla hündürlüyü 2 metrdən cox olmaqla ağır konustruksiyadan kotejlər inşa edə bilməzdi.
Meşələrin məhvinə yönələn nöqsanların başında isə adıçəkilən mərkəzin “dağıdıcı” rəhbəri Məhəmməd Tağıyevin özü durur.Çünki meşə xəlvət olanda tülkü də bəy olur.
Şikayətçi xanım eləcə də kənd sakinləri Ekologiya və Təbii Sərvətlər Nazirliyinin Tovuz Regional Meşə Təsərrüfatı Mərkəzinin direktoru M.Tağıyevdən tələb edirlər ki, C.Hüseynovla bağlanmış olan yeni müqavilə ləğv edilsin və ərazidə tikilən kotejlər isə sökülsün.
Gədəbəydə sözügedən əxlaqsız kotejl yubalarını təqdim edirik:

Redaksiya olarq inanırıq ki, DİN-nin i eləcə də Ekologiya və Təbii Sərvətlər Nazirliyinin rəhbərliyi Qoşabulaq kənd sakini Məmmədova Ülkər Kazım qızının səsləndirdiyi şikayəti araşdırıb meşə fondu ərazisndə əxlaqsız yuvası kimi fəaliyyət göstərən kotejlərin fəaliyyətini dayandırılmasına göstəriş verəcəkdir.
Qarşı tərəfin də mövqeyini işıqlandırmağa hazırıq.