Daha bir icra başçısının həbsi gözlənilir. Bu barədə DİA.AZ-a hökumətdəki mənbələrdən informasiya daxil olub. Məlumatı verən mənbə iddia edir ki, söhbət hazırda Bərdəyə rəhbərlik edən Vidadi İsayevdən gedir.

Mənbənin dia.az-a söylədikləri: "Vidadi İsayev ola bilsin ki, maliyyə cinayəti ittihamı ilə həbs olunsun. Bu barədə çoxdandır araşdırma aparılır və ortada ciddi yeyinti faktları var".

Qeyd edək ki, bu arada redaksiyamıza Bərdədən də maraqlı informasiya daxil olub. Belə ki, rayondan verilən xəbərdə Vidadi İsayevin onu gözləyən aqibətdən xəbərdar olduğu deyilir. Mənbənin dia.az-a söylədikləri: "Vidadi İsayev az qala paltarda yatır ki, gecə birdən qapısını qara maskalılar döyə bilər. Yəni artıq tədarükünü görüb. Əlindəki sərvətini nəinki Bərdədən, bütün Azərbaycandan çıxarıb..."

Qeyd edək ki, məlumatı verən mənbə redaksiyamıza ilginc faktlar təqdim edib. Bu barədə növbəti məlumatda... Bizi izləməkdə davam edin.
İddia olunanlarla bağlı dia.az olaraq bütün maraqlı tərəfləri dinləməyə hazırıq...