Bu yaxınlarda saytımızın elektron poçtuna Gədəbəy rayonundan bir məktub daxil olub. Vətəndaş ürək ağrısı ilə öz rayon camaatına müraciət edərək, Gədəbəy Rayon İçra Hakimiyyəti Başçısının Şəhər İnzibati Ərazi Dairəsi üzrə nümayəndəliyində baş verən qanun pozuntuları və həmin nümayəndəliyin rəhbəri Məsimov Şakir Rəhim oğlunun özbaşınalıqları haqqında məlumatlar göndərmişdir. Biz həmin məlumatın nöqtə, vergülünə toxunmadan dərc edirik.

Hörmətli Gədəbəydə yaşayan sakinlər :
"Məsimov Şakir Rəhim oğlu bir cox yerdə müdir vəzifəsində işləmiş bütün yerləri pis günə qoyandan sonra axır ki, gəlib çıxıb Gədəbəy Rayon İçra Hakimiyyəti Başçısının Şəhər İnzibati Ərazi Dairəsi üzrə nümayəndəliyinə. 2020-ci ilin əvvəlindən əmək fəliyyətinə başlayan Şakir müəllim çox keçmədi nümayəndəliyin kommunal binalarda təmiri üçün büdcədən ayrılmış 70000 (yetmiş min) manat vəsaiti xərcləməyə başladı. Bir müəssisə ilə müqavilə bağlayib həmin vəsaiti MMC-nin hesabına köçürüb. Həmin vəsaiti MMC nəqdiləşdirib verib Ş.Məsimova. Əvvəlcədən sövdələşmə əsasında 20% MMC götürüb verib Ş.Məsimova. Ş.Məsimov həmin pulu özünün şəxsi pulu kimi xərcləyir. Bir neçə kiçik kommunal binanın üstünə nazik cığala kimi şifer vurdurub . 12 ədəd kommunal (yaşayış) binanın bloklarını təmir etməli və bloklara qapılar qoyulası olduğu halda, heç bir iş görmədi. Bir nəfərnən aralarında söz sobət olmuşdu oda götürüb Azərbaycan Respublikası Baş Prokurorluğuna yazmışdı. Həmin məsələ ilə əlaqədar 2021- ci ilin noyabr-dekabr aylarında Azərbaycan Respublikası Maliyyə Nazirliyindən yoxlama gəldi təxmini eşitdiyimə görə 14000 (on dord min) manatdan yuxarı cərimə yazıb çıxıb getdi.
Gədəbəy şəhərində parklarda, küçələrdə və yaşayış ərazilərində yaşıllıqların salınması üçün 50000 (əlli min) manat vəsait ayrılmışdı. Həmin vəsaiti də bir iş görmədən eyni qaydada özü üçün xərcləyib. Azərbaycan Respublikası Maliyyə Nazirliyindən gələn təftişə aparıb köhnədən əkilən ağacları göstərərək onunla da razılaşdı. Gələn yoxlama isə heç bir tədbir görmədi. İndi məsələ gəlib çatdı 2021-ci ilin büdçəsinə ənənəvi qaydada 70000 (yetmiş min) manat ayrılmış vəsaitə bir evin üstünə 31 ədəd altı metrlik nazik dəmir qırmizi şifer vurmaqla kifayətlənib. Yox insafsızlıq olar deməsəm 200 metr reyka da işlədib. Abadlıq üçün ayrılmış 30000 (otuz min) manat vəsaitə, 55 (əlli beş) kamaz markalı maşınla çay xırından doldurub lazım olan yerlərə tökdürüb. Yaşıllıq üçün ayrılmış 20000 (iyrimi min) manat vəsaiti MMC ilə nəqdiləşdirib yeyiblər. Bir ədəd belə ağac əkilməyib. O ki, qaldı uşaq bağçasının təmirinə, bağçanın damına 5-6 ədəd həminki şiferdən vurub. 15000 vəsait xərcləyib. Kuxna təmiri üçün bir otağa 7000 manat xəcləyib, sizində bilməyiniz üçün deyirəm ki, həmin otaq 2020- ci ildə Gədəbəy Rayon İçra Hakimiyyəti tərəfindən təmir olunmuşdur. Kuxnada bir taxtadan düzəldilmış arakəsməni dəyişmək 7000 (yeddi min )manata başa gəlib. Deməli iki ilin içində 262000 (iki yüz altmış iki min )manat dövlət vəsaitini talan edib. İndi çalışir ki, buradanda təzə idarəyə qaçsın. Onuda qeyd edim ki, heç bir MMC gəlib Gədəbəydə iş görməyib. Forma№2 Gədəybəydə yazılıb aparıb telefonla əlaqə saxlanıb görüşüblər sənədi hər ikisi imzalayıb gətiriblər mühasib vəsaiti köçürüb, həmin pulları şirkət nəqdiləşdirib öz faizini götürüb pulları verib Ş.Məsimova. Ş.Məsimov da həmin pulun təxminən 10% -ni həmin iş üçün xərcləyib qalanını özü əlbir olduğu adamlarla xərcləyib. Ş.Məsimov cox “savadlı adamdır. ”həm mühəndisdir, həm də müəllim. Uşağın qabağında bir saat durub dərs deməyib". /Qalib Hüseynov/
P.S Qarşı tərəfin mövqeyini dərc etməyə hazırıq. //gundelik-baku.com//