RİATV.az-a adının açıqlanmamasını istəməyən mənbə İsmayıllı Olimpiya kompleksi haqqında yazı göndərib, həmin yazını olduğu kimi təqdim edirik.Hörmətli oxucular bu mövzuya toxunmamaq mümkün deyil.Şəxsən bacarmadım.Mən ölkəmizdə tikilmiş bütün Olimpiya komplekslərində olmuşam və futbol xəstəsi olduğum üçün çoxlu dostlarım var.
Ötən günlərdə dostlarım məni İsmayıllıya dəvət etdilər və biz Olimpiya kompleksinə futbol oynamağa getdik.
Qapıda bizi bir "Kişi" qarşıladı və bizdən 30 (otuz) manat pul aldı və heç bir qəbz də vermədi.Mən soruşdum ki,bu sizdə niyə belədir dedi ki,bu pul şəxsən müdirə çatır və şəxsən göstəriş verib ki,qəbz vermə.
Mən bu adama başa sala bilmədim ki, bütün respublikada belə şeylər qadağandır və idman adına layiq deyil.Sonda anladım ki,nahaq yerə enerji sərf edirəm.Yəni adam başa düşmək istəmir.
Nəysə pulumuzu verib futbolu oynadıq və sonra gördüklərim məni dəhşətə gətirdi, eyni zamanda məni qəhər boğdu.Axı İsmayıllı həmişə idman sahəsində birinci üçlükdə olub.İndi bu rayonun günahı nədir ki,onun şərəfli keçmişini urvatsız edirlər?
Təsəvvür edin ayaqyolunda su yoxdur,ətraf ifunətə qərq olub.İsti su yoxdur ki, idmandan sonra yuyunasan.Binada istilik sistemi işləmir,kompleksdə cəmisi bir neçə işıq lampası var.İşıqlandırma sistemi bərbad vəziyyətdədir.
Deməli,burada idman adına rəzalət hökm sürür.Sonradan öyrəndim ki,kompleksin müdiri İsmayıllı rayon səfərbərlik və hərbi xidmətə çağırış üzrə dövlət xidmətinin sabiq rəisi Xamis Bədəlovdur.
Elə burada səsim batdı,nitqim qurudu.Elə buna görə Olimpiya kompleksi bu gündədir.Çünki komissar hardan bilə bilər ki, idman nədir?Məgər İsmayıllı rayonunda ali təhsilli idman mütəxəssisləri yoxdurmu ki, rayonu belə rəzalətə sürükləyirlər? Hara baxır bu rayonun rəhbərliyi?Hara baxır rayonun idman ictimaiyyətinin nümayəndələri?Hara baxır gənclər və idman nazirliyi və sair?Siz deyin cənablar harda qaldı dövlət başçısı İlham Əliyev cənablarının tövsiyyəsi?
Məgər prezidentimiz buna görə bu kompleksləri tikdirib ki,sonunda əsl idmansevərlər, mütəxəssislər, gənclər kənarda qalsın?
Məgər prezidentimiz buna görə Olimpiya komplekslərini tikdirib ki, qocalar, pensiyaçılar, idmandan xəbəri olmayanlar və ömür boyu havayı yeyənlər,ölkə büdcəsini talan edənlər indi də idmanımızı böyrü üstə qoysunlar?
Yox,olmaz,belə adamlar idmançıların qədrini bilməz və belə yerdə heç bir qalibiyyətdən söhbət gedə bilməz.
Məndən demək.

Qərbdən gələn futbol xəstəsi.

Qrşı tərəfin mövqeyini dərc etməyə hazırıq.