Masallıda xanım məktəb direktoru coğrafiya müəllimi İlkin Möhsümovu təhqir edərək, sillə və yumuruğun altına salıb.

GUNinfo.az -a edilən müraciətə görə, hadisə rayonun Cəfər Cabbarlı adına Ərkivan qəsəbə 1 saylı tam orta məktəbində baş verib.

İddiaya görə, məktəb direktoru Mənijə Yəhyayeva coğrafiya müəllimi İlkin Möhsümovu nalayiq ifadələrlə təhqir edərək yumruğunun altına salıb. İlkin Möhsümov baş verən hadisə ilə bağlı öncə DİN-in “102” xidmətinə məlumat verib, sonra Masallı RPŞ-ə ərizə ilə müraciət edib.

İlkin Möhsümovun sözlərinə görə, xanım direktor əvvəllər də şagird və müəllimlərin yanında onu təhqir edərək, üzünə tüpürdüyünü deyir.

İlkin Möhsümov bildirir:

“O təkcə mənə qarşı deyil, bütün müəllimlərə, şagirdlərə, eləcə də valideynlərə qarşı kobudluğu ilə ad çıxarıb. Heç nə üstündə coşur, qadına, müəlliməyə yaraşmayan ifadələr işlədir. Mənijə Yəhyayeva Masallı Rayon Gənclər və İdman İdarəsinin rəisi Sabiq Cahangirovun dayısının həyat yoldaşıdır. Onu himayə edən də Sabiq Cahangirovla digər qohumu Rayon Təhsil Şöbəsinin müdiri Tariyel Əkbərovdur.

Qeyd edək ki, İlkin Möhsümovun müraciəti olduğu kimi dərc edilib.