Qax rayonunda Şəhid və Qazi ailələrinə laqeyd münasibət barədə dəfələrlə dövrü mətbuatda yazılıb. Qax.org.az saytı olaraq, rayonda Şəhid və Qazi ailələrinə laqeyd münasibət bəslədildiyini yazmış və Şəhid ailələrinin müraciət və şikayətlərini işıqlandırmışıq.



Bir-neçə ay bundan əvvəl sosial şəbəkələrdə deputat Azər Kərimlinin səhifəsində öz etirazını bildirmiş Qazi atası Elşən Aydınoğlu həmin şərhindən sonra deputatın onun Qazi oğluna yardım edəcəyi barədə söz verdiyini deyərək, şikayəti olmadığını bildirmişdi. Hətat bununla bağlı xəbər də dərc etmişdik. – http://qax.org.az/?p=13323



Lakin görünən odur ki, Qazi atasını növbəti dəfə aldadıblar. Deputat Azər Kərimli verdiyi sözə əməl etməyib. Ötən gün özünün Facebook səhifəsində İtaliyada Zəfər Bayramı münasibətilə keçirilən bir tədbirdə iştirakını əks etdirən fotolar paylaşan deputat Azər Kərimliyə elə həmin Qazi atasından növbəti dəfə sərt etiraz edilib. Qazi atası Elşən Aydınoğlu “Bir Qaziyə köməklik etməyə deputat Qazinin alddığı torpağın kitabına tədbir keçirir. Daha sözüm yox.” sözlərini yazıb.

44 günlük müharibənin bitməsindən 1 il vaxt ötüb, lakin Qax rayonunda Şəhid və Qazi ailələrinin problemlərini eşidən və əməli yardım edən yoxdur. Nə icra başçısı Musa Şəkiliyev, nə də deputat Azər Kərimli edilən müraciətlərə və səslənən tənqidlərə məhəl qoymurlar.

Qax.org.az