İsmayıllıda vətəndaşa məxsus ərazi yandırıldı, külli miqdarda ziyan vuruldu -Nazir Kəmaləddin Heydərovun adı hallanır

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İsmayıllıda vətəndaşa məxsus ərazi yandırıldı, külli miqdarda ziyan vuruldu -Nazir Kəmaləddin Heydərovun adı hallanır - Foto+Video

Bolge / Video

Oxunub: 1 350

23 iy 2021 | 21:21

İsmayıllı rayonu Kürdüvan kənd sakini Mülküşah Həşimov Azinfo.tv-yə video müraciət edərək başına gətirilən məmur özbaşınalığı ilə bağlı ölkə prezidentinə və digər dövlət orqanlarına şikayət edir. Həmin müraciəti qısa ixtisarla təqdim edirik. Yazının sonunda video müraciət tam şəkildə təqdim olunacaq və eyni zamanda YouTube kanalımız vasitəsilə qeyd edilən video müraciətə baxa bilərsiniz.
Mən gördüyünüz bu ərazini 2012-ci ildən müxtəlif kollardan təmizləyərək gözəl bir şəklə salmışam. Burada 100-dən çox meyvə ağacları əkmişəm. Bu illər ərzində əlimdə su qabı ilə su daşıyıb ağacları becərmişəm. Ancaq sonda hansısa bir qudurğan mənə bu ziyanı vurdu. Mənə məxsus bu ərazi 60 sotdur. Bu ətraflarda bütün torpaqlar ayrı-ayrı məmurlar tərəfindən zəbt olunub. Fövqəladə hallar naziri Kəmaləddin Heydərovun adı ilə hərəkət edirlər. Hətta meşələri belə zəbt edərək hasarlayıblar. Artıq elə bir vəziyyət yaranıb ki, əhali öz pay torpaqları olan ərazilərə gedə bilmirlər. Bu adamlar meşələri də qırıb qurtarıblar. Ekologiya nazirliyi,yerli qurumlar hamısı alverə girişib. İyul ayının 16-da ərazini yandırıblar. Mən vaxtında çatmasaydım tikdiyim tikililər də yanacaqdı. Bunu sifariş əsasında həyata keçiriblər. Bu qədər şəhərlər, rayonlar və sair yerlər bunlara azlıq edir, indi də bizim yerlərə girişiblər. Nazir Kəmaləddin Heydərovun adı daha çox hallanır. Əraziyə yanğınsöndürən maşınlar gəlib, deyirəm ki, bağım yanır, söndürün, ancaq heç bir reaksiya vermir, əksinə boş əraziyə su vururlar, bütün bunlar sifarişdir ki, bizi bezdirib burdan çıxartsınlar. Görünür, cənab nazirin bu əraziyə gözü düşüb. Bu hərəkət ləyaqətsizlikdir, mənəviyyatsızlıqdır, ALLAHsızlıqdır. Bütün zəhmətim hədər getdi. Zülmlə əkib-becərdiyim 100-dən artıq meyvə ağacları yanaraq məhv oldu. Allah bunların bəlasını versin. Bu neçə gündə bir adamın qabiliyyəti çatmadı ki, gəlib desin ki, bir səhvdir olub bağışla. Mən dövlət başçısına müraciət edərək bu özbaşınalığa son qoyulmasını xahiş edirəm. Bu nazirlər, komitə sədrləri o, qədər qudurub, harınlayıblar ki, artıq şəxsi həyatımıza müdaxilə edir, əmlakımızı məhv edirlər. Çünki ölkədə qanunlar işləmir, çünki müstəqil məhkəmə sistemi yoxdur. İndi mən dərdimi kimə söyləyim? Kim mənə dəymiş ziyanı ödəyəcək? İlham Əliyevin hakimiyyəti məhz bu məmurların hesabına tezliklə süqut edəcək.

Rayon ictimai ağsaqqallar şurasının sədri Heybət Balayev.
Mən dəfələrlə bu əraziyə gəlib, Mülkişah Həşimova dəstək vermişəm. Hansısa hakimiyyət yetkililəri bu adama qarşı qərəzli hərəkət edirlər. İndi də adama külli miqdarda ziyan vurublar. Azərbaycan qanunları bütün insanlar üçün bərabər imkanlar tanıyır. Ancaq təəssüf ki, bu qanunlar elə kağız üzərində olaraq qalır. Bəli, ölkədə qanunlar işləmir və qanunları məmurlar pozurlar. Pulun yoxdursa, sən heç kimsən. Axı belə olmaz. Hesab edirəm ki, dövlət qurumları təcili olaraq bu məsələni araşdırmalı və Mülkişah Həşimova dəymiş ziyanın ödənilməsini təmin etməlidir.

Redaksiyadan: Biz ərazidə olduq. Bu addımı vandalizm kimi qiymətləndirmək olar. Bu hərəkət insanlığa yaddır. Yəni bunu edənlər bu qədərmi insanlığdan kənardılar?
Yazıda adları çəkilən şəxslərin də mövqeyini dərc etməyə hazırıq. Geniş formada Video izləməyi unutmayın. Sonda bu yazını və videoları paylaşın. Youtube kanalımıza abunə olmağı unutmayın.

Elçin İsmayıllı.