Sən demə Azərbaycan Təhsil İşçiləri Azad Həmkarlar İttifaqının Mingəçevir rayon Komitəsinə rəhbərlik edən Həqiqət xanım, heç də həqiqəti ifadə etmək fikirində deyil. Çünki, redaksiyamıza daxil olan ilginc məlumatlara görə adı Həqiqət olan, amma amal və əməlində həqiqətdən heç bir nişanə qalmayan bu komitə rəhbəri, aylıq toplanan 2%-lər haqda ünvanlanan suallara cavab vermək istəmir. Belə bir vəzifə sahibinin bu yöndə atdığı addım onu ehtimal etməyə əsas verir ki, adı çəkilən qurumun xətti ilə toplanan aylıq 2%-lər müxtəlif adlar adı altında ələ keçirilir və az sonra da mənimsənilir. Çünki, son vaxtlar redaksiyamıza Azərbaycan Təhsil İşçiləri Azad Həmkarlar İttifaqının Mingəçevir rayon Komitəsinin “qaranlıq fəaliyyəti” ilə bağlı silsilə məlumatlar daxil olmaqda davam edir. Əslində Mingəçevirin təhsil işçilərindən toplanan aylıq 2%-lər təyinatı üzrə istifadə olunmalı və şəffaflıq da təmin edilməlidir. Bu belə olmalı olduğu halda Azərbaycan Təhsil İşçiləri Azad Həmkarlar İttifaqının Mingəçevir rayon Komitəsinə rəhbərlik edən Həqiqət xanımın həqiqətə söykənməyən yanaşması, hələ ki, əsl həqiqətləri üzə çıxarmağa imkan vermir.

Bu və digər olaylar haqda yaxın günlərdə ətraflı açıqlamamızı oxuya biləcəksiniz. Odur ki, bizi izləyin ki, əsl həqiqətlər haqda xəbəriniz olsun.