Beyləqan: Dünyamalılar bələdiyyəsi yerli əhəmiyyətli məsələlərin həllində hökumətə və rayon rəhbərliyinə etibarlı tərəf müqabili kimi çıxış edir

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Beyləqan: Dünyamalılar bələdiyyəsi yerli əhəmiyyətli məsələlərin həllində hökumətə və rayon rəhbərliyinə etibarlı tərəf müqabili kimi çıxış edir

Bolge

Oxunub: 835

15 in 2021 | 16:01

Dövlətimizin başçısı İlham Əliyevin rəhbərliyi ilə respublikamızın hərtərəfli inkişafını, dövlət idarəçiliyinin bütün sahələrində olduğu kimi, ədliyyə sahəsində də islahatlar həyata keçirilir. Azərbaycan Prezidentinin rəhbərliyi ilə sosial-iqtisadi sahədə uğurlu islahatların aparılması, sahibkarlığın, qeyri-neft sektorunun, kənd təsərrüfatının inkişafı üzrə davamlı tədbirlərin həyata keçirilməsi nəticəsində Azərbaycan dünyada ən islahatçı dövlətə çevrilib və bələdiyyələr tərəfindən də bu inkişafa əhəmiyyətli töhfələr verilir.

Beyləqan rayonunun Dünyamalılar bələdiyyəsinə Yalçın Ağayev sədrlik edir. Yalçın müəllimlə söhbətimizin qayəsini ümumən respublikamızda bələdiyyə fəaliyyətinin vəziyyəti, sosial məsələlərin həllində yerli özünüidarə qurumlarının hökumətə nə dərəcə etibarlı tərəf müqabili kimi çıxış etməsi mövzusu təşkil etdi.

Yalçın müəllim söhbətinin əvvəlində bildirdi ki, əgər 2019-cu il yerli özünüidarəetmə orqanlarının formalaşmasının 20 illiyi, eləcə də bələdiyyə seçkilərinin uğurla keçirilməsi ilə yadda qalmışdısa, 2020-ci il isə yerli özünüidarəetmə orqanlarının pandemiya ilə mübarizə tədbirlərinə dəstək verməsi və əlbəttə ki, qələbə ilə nəticələnən Vətən müharibəsinin qayğıları ilə əlamətdar olub. Həmsöhbətimiz xüsusi vurğuladı ki, Ədliyyə Nazirliyinin Bələdiyyələrlə İş Mərkəzi tərəfindən bələdiyyələrin fəaliyyətinə inzibati nəzarət sahəsində davamlı tədbirlər görülüb. Mərkəz bələdiyyələrin maarifləndirmə tədbirlərinin həyata keçirilməsində Almaniya Beynəlxalq Əməkdaşlıq Cəmiyyəti (GİZ) ilə, həmçinin yerli özünüidarəetmə sahəsində bələdiyyələrin milli assosiasiyaları, vətəndaş cəmiyyəti institutları, Avropa Şurası, Avropa İttifaqı və digər beynəlxalq təşkilatlarla, eləcə də xarici dövlətlərin aidiyyəti qurumları ilə səmərəli əməkdaşlıq edib.

Yalçın Ağayev həmçinin qeyd etdi ki, Dünyamalılar bələdiyyəsinin üzv və qulluqçuları müəyyən edilmiş vəzifələrin icrası, vətəndaşların müraciətlərinə xüsusi qayğı ilə yanaşılması, etik davranış qaydalarına dönmədən əməl edilməsi, 2020-ci il “Könüllülər ili” çərçivəsində gənc könüllülərin ədliyyə fəaliyyətinə daha geniş təşviq olunması ilə bağlı verilmiş tapşırıqları layiqincə yerinə yetirib.

Sədr bizim xahişimizlə kəndin tarixindən və iqtisadiyyatından danışdı: ”Dünyamalılar Beyləqan rayonunun eyniadlı inzibati ərazi vahidində yerləşən kənddir. Mil düzündədir. Yaşayış məntəqəsi Mil düzündə yayılmış Xələc tayfasının Dünyamalılar nəslinin məskunlaşması nəticəsində yaranmışdır. Kəndin keçmiş adı da Xələc olmuşdur. 2014-cü ildə iyirmi beş min nəfər əhalinin yaşadığı 8 yaşayış məntəqəsini birləşdirən Birinci Şahsevən - Əhmədli - Dünyamalılar avtomobil yolunun tikintisinin davam etdirilməsi məqsədi ilə Azərbaycan Respublikası Prezidentinin ehtiyat fondundan Beyləqan Rayon İcra Hakimiyyətinə iki milyon manat ayrılmışdır. Dünyamalılar kəndində illik istehsal gücü 626 min şərti banka olan Konserv zavodu fəaliyyət göstərir”.

Öyrəndik ki, keçən il Ümumdünya Səhiyyə Təşkilatı koronavirus təhlükəsi ilə əlaqədar "Evdə qal, həyatları xilas et!" çağırışı ilə ahıl yaşlı insanlara qayğı və diqqətin göstərilməsi təşəbbüsünə qoşulan Beyləqan rayonunun Dünyamalılar bələdiyyəsi də yaxından iştirak etməklə dəstək vermişdir. Bələdiyyəsi tərəfindən 65 yaşdan yuxarı insanların siyahısı tərtib edilərək, onlara bələdiyyənin rəsmiləri və bələdiyyə qulluqçularının iştirakıyla ərzaq bağlamaları təqdim olunmuşdu. Bununla yanaşı, onların hər birinə görüşdə bir daha dövlət tərəfindən atılan addımlar izah edilmişdi.

Qələbədən ötən yarım il ərzində Dünyamalılar bələdiyyəsi xidmət etdiyi ərazidə şəhid ailələrini, əlil və qazilərini diqqət mərkəzində saxlayıb, onların problemlərinin həlli üçün mümkün olan hər şeyi edib. Kənddəki Şəhidlər Xiyabanında səliqə-səhman təmin olunur, burada uyuyan həm Birinci, həm İkinci Qarabağ müharibəsi, eləcə də aprel döyüşləri şəhidlərinin məzarların daim abad və təmiz vəziyyətdə saxlanılmasına diqqət yetirilir.

Gəlin, Yalçın Ağayev başda olmaqla, Dünyamalılar bələdiyyəsinin üzv və qulluqçularına uğurlar arzulayaq və ümid edək ki, bu kollektiv Beyləqanın tərəqqisi naminə fəaliyyət müstəvisində hökumətə və rayon rəhbərliyinə etibarlı tərəf müqabili kimi hələ çox köməklik göstərəcəkdir.

İbrahim Qubadoğlu