Regionların sosial-iqtisadi inkişafı proqramı uğurla icra edilir

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Regionların sosial-iqtisadi inkişafı proqramı uğurla icra edilir

Bolge

Oxunub: 575

23 apr 2021 | 14:55

“Regionların sosial iqtisadi inkişafının Dövlət Proqramı”nın icrası nəticəsində regionlarda işlər uğurla həyata keçirilmişdir. Belə ki, regionda qazlaşma səviyyəsi 95%-ə çatdırılmış, sənayenin, kənd təsərrüfatının, o cümlədən sosial sahənin elektrik təchizatı ilə yaxşılaşdırılması sahəsində əsaslı tədbirlər həyata keçirilmişdir. Bu da yeni iş yerlərinin yaradılmasına, əhalinin özünə məşğulluq səviyyəsinin yüksəlməsinə səbəb olmuşdur.

Təhlillər göstərir ki, kənd yollarının 80%-dən çox hissəsi yenidən çəkilmiş, səhiyyə, mədəniyyət obyektləri tikilib istifadəyə verilmiş və ya əsaslı şəkildə təmir edilmişdir. Bu da əhalinin sosial rifahının yaxşılaşdırılmasına, büdcə gəlirlərinin artmasına səbəb olmuşdur. İnfrastruktur lahiyələrinin icrası biznes şəraitinin yaxşılaşdırmışdır. Yeni yaradılan istehsal və sənaye obyektlərinin işləməsi regionların gələcək iqtisadi potensialını gücləndirəcəkdir.

Kənd təsərrüfatı sahəsində aparılan innovativ islahatlar bu sahənin dayanmadan şaxələnməsinə şərait yaratmışdır. Belə ki, kənd təsərrüfatında ixrac yönümlü məhsulların istehsalı artmış, yaxın xarici ölkələrə məhsul ixracının dövriyyəsi genişlənmişdir. Bu da iqtisadi rentabelliyin, sahibkarların gəlirlərinin artması ilə nəticələnmişdir.

Böyük aqroparkların yaradılması ərzaq təhlükəsizliyinin təmin olunmasına, sahənin sənayələşdirilməsinə, emal sənayesinin yaradılmasına səbəb olmuşdur. Kiçik fermer təsərrüfatlarının yeni texnologiyalarla, iqtisadi resurslarla təmin edilməsi üçün praktiki işlərin görülməsi, iri və xırda təsərrüfatların intensiv üsullarla inkişafı məhsul istehsalının artmasına, respublikada ərzaq təhlükəsizliyinin tamamlanmasına böyük təkan vermişdir.

Aqroparkların yaradılması kənd təsərrüfatının qloballaşmasına, məhsuldarlığın artmasına, əkinçiliyin və heyvandarlığın intensiv inkişafına şərait yaradır. Yüzlərlə yerli sakin bu aqroparklarda işlə təmin olunur, onların sosial şəraiti yaxşılaşır.

Aqrar sahənin inkişafı üçün ümumi investisiya qoyuluşlarının artması, güzəştli şərtlərlə kreditlərin verilməsi, yeni subsidiya proqramlarının həyata keçirilməsi məhsul istehsalının artmasına, keyfiyyətli məhsulun istehsalına zəmin yaradır. Regionlarda sənaye sahələrinin yenidən qurulması, xarici investisiyaların regionlara cəlb olunması regionların iqtisadi inkişafının əsasını təşkil edir.

Regionlarda aqrar sahənin intensiv inkişafı kənd təsərrüfatının suvarma və əhalinin içməli suya olan təlabatının yeni texnologiyalarla təmin edilməsinə səbəb olacaqdır. İnkişaf etmiş ölkələrdən bu sahədə yeni texnologiyaların respublikanın regionlarına cəlb olunması torpaqlardan səmərəli istifadənin, orqanik və ixrac yönümlü kənd təsərrüfatı məhsullarının istehsalını təmin edəcək, sahənin iqtisadi gəlirliyini artıracaqdır.

Beləliklə, dövlət proqramları sayəsində həyata keçirilən bütün bu tədbirlər respublikamızı dünya miqyasında stabil, dayanıqlı inkişaf dinamikasına malik ölkə kimi tanıtmış, dövlətlərin ən yüksək beynəlxalq iqtisadi meyarları təyin edən qurumlarının reytinqində yüksək mövqelər tutmuş və beynəlxalq donorların və investorların ölkəyə marağı xeyli artmışdır.

Aləddin Abbasov,

Salyan şəhər inzibati ərazi dairəsi üzrə nümayəndənin müavini