Göyçay rayonu, Cəyirli kənd sakini Feyzullayev Rahim Zülfü oğlu tərəfindən “Hürriyyət”in redaksiyasına şikayət məktubu daxil olub. Qonşusunun onun ərazisini zəbt etdiyini iddia edən R.Feyzullayevin məktubunu olduğu kimi dərc edirik:

“Şikayət ərizəmdə göstərdiyim faktı təsdiq edən subut Əmlak Məsələləri Dövlət Komitəsinin yanında Daşınmaz Əmlakın Reyestri Xidmətinin 16 saylı Ərazi İdarəsinin apardığı ölçüdür. Həmin İdarənin yerdə apardığı ölçü nəticəsində təsdiq olunmuşdur ki, Göyçay rayonu Cəyirli kənd sakini Səfərəliyev Fərhad Xəlil oğlunun inşa etdirdiyi 20 metrlik talvar 7 metr ölçüdə bizə məxsus 0,68 ha torpaq sahəsinin üzərinə düşmüşdür.

Ancaq Əmlak Məsələləri Dövlət Komitəsinin yanında Kadastr və Ünvan Reyestri xidmətinin Ağsu LTİ-nin rəisi Rizvan Qəribov və Əmlak Məsələləri Dövlət Komitəsinin yanında Kadastr və Ünvan Reyestri xidmətinin Ağsu LTİ-nin Ucar şöbəsinin müdiri Yaqub İsgəndərovun imzası ilə təsdiq edilmiş 25.08.2020-ci il tarixli mütəxəsis rəyində qeyd edilib ki, “Cavabdeh Səfərəliyev Fərhad Xəlil oğlu tərəfindən inşa edilmiş talvar iddiaçının mülkiyyətinə verilmiş 0,68 ha torpaq sahəsinə düşmür”.

Sizə bildirirəm ki, Əmlak Məsələləri Dövlət Komitəsinin yanında Kadastr və Ünvan Reyestri xidmətinin Ağsu LTİ-nin rəisi Rizvan Qəribov və Əmlak Məsələləri Dövlət Komitəsinin yanında Kadastr və Ünvan Reyestri xidmətinin Ağsu LTİ-nin Ucar şöbəsinin müdiri Yaqub İsgəndərov vəzifə səlahiyyətlərindən sui-istifadə edərək rüşvət alıb, mənim iddia ərizəm üzrə keçirilən ekspertizada saxtakarlıq ediblər, qanunsuz yalan mütəxəsis rəyi verməklə cinayət əməli törədiblər.

Çünki Rizvan Qəribov və Yaqub İsgəndərov bu iş üzrə saxtakarlıq etmək üçün maddi maraqlarının müqabilində qanunsuz rəy veriblər ki, bunu təsdiq edən konkret subutlar var.

Belə ki, Göyçay rayonu Cəyirli kənd sakini Səfərəliyev Fərhad Xəlil oğluna qarşı tikilinin sökülməsi və ziyan tələbinə dair iddia ərizəsi ilə Göyçay rayon Məhkəməsinə müraciət etmişik.İddia ərizəmiz üzrə ekspertiza keçirilməsi üçün 08.06.2020-ci il tarixdə Göyçay rayon Məhkəməsi qərardad çıxarmışdır. Bu iş üzrə mütəxəssis kimi Əmlak Məsələləri Dövlət Komitəsinin yanında Kadastr və Ünvan Reyestri xidmətinin Ağsu LTİ cəlb edilmişdir. Mütəxəsis kimi Əmlak Məsələləri Dövlət Komitəsinin yanında Kadastr və Ünvan Reyestri xidmətinin Ağsu LTİ-nin Ucar şöbəsinin əməkdaşları sözügedən ərazidə olub baxış keçirdilər.

Əmlak Məsələləri Dövlət Komitəsinin yanında Kadastr və Ünvan Reyestri xidmətinin Ağsu LTİ-nin rəisi Rizvan Qəribovun və Əmlak Məsələləri Dövlət Komitəsinin yanında Kadastr və Ünvan Reyestri xidmətinin Ağsu LTİ-nin Ucar şöbəsinin müdiri Yaqub İsgəndərovun imzası ilə 25.08.2020-ci il tarixli mütəxəsis rəyi ilə tanış olduqda mənə məlum oldu ki, bu rəy qanunsuz olaraq tərtib edilmişdir.

Belə ki, bundan sonra mən bizə məxsus olan Göyçay rayonu Cəyirli kəndində yerləşən 0,68 ha torpaq sahəsinin sərhədlərinin ölçülməsi üçün həmin yer üzrə reyestr çıxarışı vermiş 16 saylı Ərazi Reyestr Xidmətinə müraciət etdim. Ölçü aparılan zaman müəyyən olundu ki, Göyçay rayonu Cəyirli kənd sakini Səfərəliyev Fərhad Xəlil oğlunun inşa etdirdiyi 20 metrlik talvar 7 metr ölçüdə bizə məxsus 0,68 ha torpaq sahəsinin üzərinə düşmüşdür.

Bu fakt tam subut etdi ki, “Kadastr və Yerqurluşu Layihə-Tədqiqat Mərkəzi” MMC-nin Ağsu Layihə Tədqiqat İdarəsinin rəisi Rizvan Qəribov və Ağsu Layihə-Tdqiqat İdarəsinin sahə rəisi Yaqub İsgəndərov qarşı tərəfdən rüşvət alaraq bu cinayət əməlini törədiblər.

Hər iki vəzifəli şəxsin bu cinayət əməlləri araşdırılıb barələrində dərhal cinayət işi başlanılmalıdır.

Qeyd edim ki, uzun müddət idi Göyçay rayonu Cəyirli kənd sakini Səfərəliyev Fərhad Xəlil oğlu ilə bizim ailə arasında torpaq mübahisəsi var idi. Buna dair məhkəmə çəkişmələri aparılan zaman mütəxəsis baxışları və ekspertizalar keçirilmiş, verilən rəylərdə həmin sözügedən talvarın bizim ailəyə məxsus torpaq sahəsinin üzərinə düşməsi subut olunmuşdur. Çünki bizə məxsus torpaq sahəsi ölçülən zaman həmin kordinat nöqtələri mərz nişanları qoyulmuşdur. Bu əsasda məhkəmə qətnamələri çıxarılmışdır. Həmin məhkəmə qətnamələri qüvvəyə minib icraya yönəlmişdir. Bütün bu proseslər tərəfimizdən video çəkliş edilmişdir.

İndi necə ola bilər ki, üzərindən təxminən 2-3 il keçdikdən sonra “Kadastr və Yerqurluşu Layihə-Tədqiqat Mərkəzi” MMC-nin Ağsu Layihə Tədqiqat İdarəsinin rəisi Rizvan Qəribov və Ağsu Layihə-Tdqiqat İdarəsinin sahə rəisi Yaqub İsgəndərovun imzası ilə 25.08.2020-ci il tarixli mütəxəssis rəyində qeyd edilib ki, “Naturada mövcud olan mübahisəli talvar iddiaçıların mülkiyyətinə verilmiş PX № 074267 çıxarışın ayrılmaz hissəsi olan koordinatları əks etdirən A№306359 nömrəli “Torpaq sahəsinin planı və ölçüsü” sənədində göstərilən koordinatlar daxilində torpaq sahəsinə düşmür”.

Bir daha qeyd edirəm ki, 25.08.2020-ci il tarixli mütəxəsis rəyi eyni şəxslər arasında bir neçə il əvvəl gedən torpaq sahəsi üzrə aparılan mütəxəsis rəyləri ilə tam ziddiyyət təşkil edir.

“Kadastr və Yerqurluşu Layihə-Tədqiqat Mərkəzi” MMC-nin Ağsu Layihə Tədqiqat İdarəsinin rəisi Rizvan Qəribov və Ağsu Layihə-Tdqiqat İdarəsinin sahə rəisi Yaqub İsgəndərovun 25.08.2020-ci il tarixli rəyinin qanunsuz olmasını təsdiq edən konkret və mötəbər subutlar yerində mənim iştirakımla araşdırlmalı, vəzifə səlahiyyətlərindən sui-istifadə edib cinayət əməli ilə məşğul olduqları üçün onların barəsidnə cinayət işi başlanılıb qanuni tədbirlər görülməlidir.

Mən Prezident İlham Əliyevdən, Baş Prokuror Kamran Əliyevdən və İqtisadiyyat naziri Mikayıl Cabbarovdan xahiş edirəm, şikayət ərizəm yerində bizim iştirakımızla obyektiv araşdırılsın, vəzifə səlahiyyətlərindən sui-istifadə edib, qanunsuz rəy vermiş “Kadastr və Yerqurluşu Layihə-Tədqiqat Mərkəzi” MMC-nin Ağsu Layihə Tədqiqat İdarəsinin rəisi Rizvan Qəribov və Ağsu Layihə-Tədqiqat İdarəsinin sahə rəisi Yaqub İsgəndərovun barəsində qanuni tədbirlər görəsiniz”. //hurriyyet.az//