Ağsu rayonunda son zamanlar görülmüş profilaktiki tədbirlər və abadlıq-quruculuq işləri sakinlər tərəfindən razılıqla qarşılanır
Qafqaz dağlarının cənub yamacı ilə uzanan, Ləngəbiz silsiləsinin ətəyində yerləşən Ağsu rayonunun füsunkar təbiəti var. Bir hissəsi dağlıq digər hissəsi aranda yerləşən Ağsunun bir tərəfində yağış yağanda digər tərəfində günəş çıxır. Bir tərəfində ağaclar çiçək açanda digər tərəfində meyvələr yetişmiş olur. Bu gözəlliyə malik olan rayonda aparılan abadlıq-quruculuq işləri rayonumuzun gözəlliyini daha da artırır.
Ağsuya təyin olunduğu gündən şəffaf və sadə idarəçilik formasını seçən Ağsu Rayon İcra Hakimiyyətinin başçısı Vahid Tağıyev şəxsən özü bütün görülən işləri diqqət mərkəzində saxlayır. Ağsu aşrımındakı, eləcə də Muğanlı-İsmayıllı magistral avtomobil yolunun rayon ərazisindən keçən hissələrindəki obyekt sahibləri ilə söhbətlər aparılmış, obyektlərin layihə əsasında yenidən rekonstruksiya olunması barədə razılığa gəlinmiş və sahibkarlar tərəfindən tikinti-quraşdırma işlərinə başlanılmışdır. Qeyd edək ki, bu sahədə aparılan işlər mərkəzi icra hakimiyyəti orqanlarının nümayəndələrindən ibarət səlahiyyətli komissiyanın nəzarəti altında həyata keçirilir.
Söküntü materiallarının daşınması və digər işlərin görülməsində müraciətləri əsasında sahibkarlara RİH tərəfindən müvafiq köməkliklər göstərilmişdir. Bundan başqa Ekologiya və Təbii Sərvətlər Nazirliyi ilə sahibkarlar arasında obyektlərin yerləşdiyi torpaq sahəsindən istifadəyə görə müqavilə bağlanacaqdır.
Doğma rayonumuzu dünyaya tanıdan Ağsu dolaylarında, həmçinin Muğanlı-İsmayıllı magistral avtomobil yolunun rayon ərazisindən keçən hissələrində son zamanlar yaranan səliqə-səhman göz oxşayır. Nizamsız və səliqəsiz tikilmiş obyektlərin yerində Şimal-qərb turizm koridoru-kommersiya obyektlərinin inkişaf konseptinə uyğun olaraq müasir kafe və restoranların tikilməsi həm dolayların gözəlliyinə əlavə gözəllik qatır, həm də gələn qonaqların səliqəli və rahat şəkildə dincəlməsinə şərait yaradır. Obyektlərin yenilənməsi təşəbbüsünü razılıqla qarşılayan sahibkarlar tikintidə dəstəyini əsirgəməyən dövlətimizdən xeyli razı qaldıqlarını bildirirlər.
Lakin, sıramızdan olan bəzi sakinlərimiz müxtəlif internet sayt və xəbər portallarında yuxarıda qeyd olunan tikinti-quraşdırma işlərinə kölgə salmaq məqsədilə yersiz, həqiqətə uyğun olmayan açıqlamalar dərc etdirirlər. Sahibkarlar, eləcə də rayon ictimaiyyəti tərəfindən bu hallar pislənilir və bunun rayonumuzun imicinə mənfi təsir göstərdiyi bildirilir.
Daim sahibkarların yanında olan, onlara dəstək verən rayon rəhbərliyi bir daha bütün ağsululara səslənir ki, imkanı çatan sahibkarlar gəlsin öz biznesini məhz Ağsuda qursunlar, sərmayəsini məhz buraya yatırsınlar. Şəxsən özünün də həmin insanlara dəstək olacağını vurğulayan RİH başçısı rayonda yeni iş yerlərinin açılmasını təmin etmək, bununla da bir çox sakinlərin sosial rifah halını yaxşılaşdırmaq niyyətində olduğunu hər zaman bildirir.
Bunlardan əlavə Ağsu rayonunda yerləşən ticarət və ictimai iaşə obyektlərini bir-bir gəzən rayon rəhbərliyi antisanitariya, səliqəsiz şəraitdə işləyən ticarət obyektləri, restoran və kafe sahiblərinə öz iradını bildirmiş, həmin yerlərdən istifadə edən insanların sağlamlığının qeydinə qalınması üçün normal şəraitin qurulmasını tələb etmişdir. Eyni zamanda bir sıra obyektlərin fəaliyyəti sahibləri tərəfindən mövcud olan nöqsan və çatışmazlıqlar aradan qaldırılanadək dayandırılmışdır. Məhz bu işlərin bəhrəsidir ki, bu gün Ağsuda yerləşən ticarət, ictimai iaşə obyektləri daha səliqəli və təmiz şəkildə öz müştərilərinə xidmət edirlər.
Bundan əlavə reydlər zamanı obyekt sahibləri və xidmətdən istifadə edən vətəndaşlarla maarifləndirici söhbətlər aparılmış, sanitar-gigiyenik qaydalar izah edilmişdir. Onlara COVİD-19 infeksiyasından qorunmaq üçün evdən çıxarkən, qapalı məkanlarda, xüsusən ticarət və iaşə müəssisələrində, ictimai nəqliyyatda nəfəs yollarını qoruyan tibbi maskadan, dezinfeksiyaedici məhlulardan mütləq qaydada istifadə etmələri, insanlarla təmas zamanı 2 metrlik ara məsafəsini saxlamaları, bütövlükdə xüsusi karantin rejimi dövrü üçün müəyyən edilmiş qaydalara ciddi riayət etmələri tövsiyə olunmuşdur.
Eyni zamanda Ağsu rayonunda fəaliyyət göstərən ticarət, ictimai-iaşə obyektlərində və digər xidmət sahələrində monitorinqlər aparmaq üçün rayon İcra Hakimiyyəti başçısı Aparatının və hüquq-mühafizə orqanlarının əməkdaşlarından, bələdiyyə üzvlərindən və ictimaiyyətin nümayəndələrindən ibarət yaradılmış mobil qruplar mütəmadi olaraq rayon ərazisində reydlər keçirir, maarifləndirici söhbətlər aparır, koronavirus pandemiyasına qarşı mübarizədən irəli gələn tələb və tövsiyələri əhaliyə çatdırırlar.
Odur ki, rayon ərazisində Koronavirus infeksiyasının yayılmasına qarşı görülmüş çoxsaylı tədbirlər nəticəsində Ağsu rayonu xəstəliyə yoluxma sayına görə ən az olan rayonlar sırasındadır.
Görülən bu tədqirəlayiq işlərlə yanaşı, rayonumuzda səkilərin və yol kənarında olan hasarların görünüşünü yaxşılaşdırmaq üçün əsaslı işlər görülür. Ağsu şəhərinin M.V.Vidadi küçəsi 39 və 41 ünvanlarında yerləşən 5 mərtəbəli binalara məxsus həyətyanı ərazilərdə qanunsuz tikililər sökülür. Burada ictimai yaşayış binalarının sakinləri üçün böyük içməli su anbarı, gəzinti yeri və uşaqlar üçün əyləncə meydançalarının tikilərək istifadəyə veriləcəyi nəzərdə tutulur. Nəticədə sakinlər uzun illərdən sonra öz binalarının həyətində rahat istirahət edə biləcəklər.
Biz də öz növbəmizdə təyin olduğu qısa zamanda rayonumuz üçün belə gözəl işlər görmüş Ağsu rayon İcra Hakimiyyətinin başçısı Vahid Tağıyevə bundan sonrakı işlərində də uğurlar arzu edirik.
Bu gün, 11:31
İlham Əliyevin Slovakiyanın Baş naziri ilə təkbətək görüşü başlayıb
Bu gün, 10:44
Bu deputatlar yola salınır – SİYAHI
Bu gün, 10:34
“AzParking”də avtomobilə dəyən ziyana görə kim məsuliyyət daşıyır? - AÇIQLAMA - FOTO
Bu gün, 10:29
Azərbaycan xüsusi təyinatlıları Konyada - VİDEO
Bu gün, 10:20
Avropa İttifaqı 6 istiqamətdə Rusiyaya qarşı sanksiyalar hazırlayır: Detallar açıqlandı
Bu gün, 10:12
Moskvadakı hərbi paradı bu ölkə liderləri də izləyəcək
Bu gün, 10:05
Azərbaycanın neokolonializmə qarşı təşəbbüsü: Narahat olan Yelisey sarayı - ŞƏRH
Bu gün, 09:25
Laçında müntəzəm marşrut xətləri açılıb - FOTO
Bu gün, 09:16
ABŞ Ukraynaya gizli silah göndərib: Rusiyaın nüvə zərbəsi dünya savaşına keçid olacaq
Bu gün, 09:00
HƏMAS İsraillə atəşkəsə razılaşdı
Dünən, 16:00
Bakının mümkün çağırışı: Zelenki razılaşacaq. Bəs Putin? - AKTUAL
Dünən, 15:30
"Fransadan və onunla eyni siyasi xətti bölüşənlərdən fərqli olaraq..." - ŞƏRH
Dünən, 14:22
Yeganə alternativ “Ermənistan layihəsinin” bağlanması ola bilər” - AKTUAL
Dünən, 14:17
Maliyyə məsələsi COP29-un əsas mövzusu olacaq
Dünən, 14:00
Almatı görüşündən sonra sülh müqaviləsi hazırlanacaq? - GƏLİŞMƏ
Dünən, 13:29
Ağdərədə sümük fraqmentləri aşkarlanıb
Dünən, 13:26
Azərbaycanda Məhərrəmlik ayı bu tarixdə BAŞLAYACAQ
Dünən, 13:23
Azərbaycanla Albaniya arasında saziş təsdiqləndi
Dünən, 13:20
ABŞ-nin Azərbaycandakı səfiri Şuşaya səfər edib
Dünən, 12:03
Rusiyaya PUA hücumu - Çoxsaylı ölü və yaralı var
Dünən, 11:58
Ermənistan-Azərbaycan arasında daha bir sərhəd kəndində delimitasiya başlayıb
Dünən, 11:54
Prezident Həştərxan vilayətinin qubernatorunu qəbul edib
Dünən, 11:30
Bəzi rayonlarda elektrik enerjisinin verilişi dayandırıldı - SƏBƏB
Dünən, 11:08
Azərbaycanda erməni öz minasına düşdü
Dünən, 10:56
Abituriyentlərin nəzərinə: Qeydiyyat üçün son gün
Dünən, 10:51
Son günlər azyaşlılar arasında yayılan yeni virus nədir? - VİDEO
Dünən, 10:44
İsrail ordusu Qəzzadan geri çəkilir