Nizami rayonunda sosial baxımdan həssas əhali qruplarına dəstək davam etdirilir



Koronavirus infeksiyasının yayılmasının qarşısının alınması məqsədilə ölkədə elan olunan xüsusi karantin rejimi dövründə Azərbaycan Respublikasının Prezidenti cənab İlham Əliyevin “Biz birlikdə güclüyük!” şüarına dəstək olaraq Nizami Rayon İcra Hakimiyyətinin təşkilatçılığı ilə rayonda ehtiyacı olan imtiyazlı və aztəminatlı ailələrə ərzaq yardımının paylanılması davam etdirilir.

Rayon İcra Hakimiyyəti başçısı aparatının əməkdaşları tərəfindən növbəti dəfə 18-19 aprel 2020-ci il tarixlərində sosial baxımdan həssas əhali qruplarına dəstək göstərilməsi istiqamətində ümumilikdə 110 ailə olmaqla şəhid, əlil və aztəminatlı ailələrə, o cümədən evdən çıxmayan 65 yaşdan yuxarı tənha sakinlərə ərzaq məhsullarından ibarət bağlamalar çatdırılıb

Eyni zamanda, sakinlərlə görüşdə Nazirlər Kabineti yanında Operativ Qərargahın tələb və tövsiyələrinə, ölkədə tətbiq olunan xüsusi karantin rejiminə ciddi əməl olunması, zərurət olmadan digər şəxslərlə təmasda olmamaları və şəxsi gigiyena qaydalarına əməl etməyin vacibliyi vurğulanıb.



Nizami rayonunda aztəminatlı ailələrə ərzaq paylarının verilməsi davam etdirilir



Azərbaycanda koronavirus pandemiyasına qarşı mübarizə tədbirləri çərçivəsində aztəminatlı ailələrin sosial müdafiəsi diqqət mərkəzində saxlanılır.

Ölkədə tətbiq olunan xüsusi karantin rejimi dövründə rayonda yaşı 65-dən yuxarı olan vətəndaşların evdənçıxma qadağası nəzərə alınaraq, tənha yaşayan ahıl şəxslərə, eyni zamanda, aztəminatlı ailələrə də yardımlar edilir, həmçinin onlarla profilaktik söhbətlər aparılır.

17 aprel 2020-ci il tarixində Rayon İcra Hakimiyyətinin əməkdaşları tərəfindən növbəti dəfə bu kateqoriyadan olan 50 ailəyə yardım sovqatı verilib.

Qeyd edək ki, rayonda koronavirus pandemiyasına qarşı mübarizə tədbirləri çərçivəsində tənha qocalara, şəhid və aztəminatlı ailələrə ərzaq paylarının verilməsi gündəlik olaraq davam etdirilir.



Nizami rayonunda koronavirus infeksiyasının yayılmasının qarşısının alınması məqsədilə dezinfeksiya işləri və sosial tədbirlər davam etdirilir



Koronavirus infeksiyasının yayılmasının qarışısının alınması istiqamətində Nizami rayonunda qabaqlayıcı tədbirlər davam etdirilir.

Rayon ərazisində gündəlik olaraq zəruri tibbi profilaktik və dezinfeksiya tədbirləri görülür, eyni zamanda, əhali arasında maarifləndirmə işləri aparılır və vətəndaşlara xüsusi karantin rejimi qaydalarına riayət edilməsinin vacibliyi izah olunur.

Bundan əlavə, ölkədə tətbiq olunan xüsusi karantin rejimi dövründə evdə qalan insanlara, xüsusilə 65 yaşdan yuxarı ahıl, kimsəsiz şəxslərə, aztəminatlı və imtiyazlı ailələrə xüsusi diqqət göstərilir.

16 aprel 2020-ci il tarixində Nizami Rayon İcra Hakimiyyəti tərəfindən ehtiyacı olan 65 ailəyə ərzaq məhsullarından ibarət bağlamalar paylanılıb. Eyni zamanda, Rayon İcra Hakimiyyətnin əməkdaşları tərəfindən sakinlərə Nazirlər Kabineti yanında Operativ Qərargahın tələb və tövsiyələrinə, şəxsi gigiyena və sosial təcridolma qaydalarına əməl etməyin vacibliyi bildirilib.

Sakinlər koronavirus infeksiyasının ölkədə geniş yayılmasının qarışısının alınması istiqamətində dövlət tərəfindən həyata keçirilən qabaqlayıcı tədbirlərdən razılıqlarını ifadə ediblər və onlara göstərilən diqqət və qayğıya görə ölkə başçısına və rayon rəhbərliyinə minnətdarlıqlarını bildiriblər.