“İcra başçısı yeniləndi, amma Hacıqabulun köhnə problemləri olduğu kimi də qaldı. Hacıqabulun Nəvai qəsəbəsinin vətəndaşı yeni icra başçısından gileylənir. “Qapınıza qədər gəlsək də, amma qəbul etmirsiniz”.

Hər halda Prezident göstəriş verib ki, həftənin bütün günləri vətəndaşları qəbul edib problemləri ilə maraqlanılsın.

KONKRET.az xəbər verir ki, qəsəbə sakini Misir Baxşıyevin təbii fəlakət nəticəsində evi uçub. Ailəsindən buna görə ayrı düşən şikayətçi iddia edir ki, ölkə başçısının qərarı ilə qəzalı evlərin bərpasına pul ayrılsa da, hansısa sehirli qüvvə onları bu vəsaitdən ayırır. Qeyd edək ki, Hacıqabul Rayon İcra Hakimiyyətinin yeni başçısı Rüstəm Xəlilovdur.