Azərbaycan Dövlət Aqrar Universitetinin iki layihəsi Azərbaycan Respublikası Prezidenti yanında Elmin İnkişafı Fondunun 2014-cü il noyabrın 3-də təşkil etdiyi �Universitet qrantı� müsabiqəsinin qalibi olub. İki layihənin ümumi dəyəri 50 min manatdır.

İlk dəfə təşkil olunan "Universitet qrantı" müsabiqəsinə 5 universitet 37 layihə təqdim edib. Ümumi maliyyələşdirmə həcmi 890 min manat olan müsabiqədə 11 qalib layihə müəyyənləşdirilib. Azərbaycan Dövlət Aqrar Universitetindən müsabiqəyə təqdim olunan 14 layihədən ikisi qaliblər sırasında yer alıb.

Zaur Həsənov - kənd təsərrüfatı elmləri doktoru, professor: "Bu elana əsasən qalib olan layihələrdən biri mənim rəhbərlik etdiyim, bioloji müxtəlifliyin qorunub saxlanılması, genetik ehtiyatların qorunub saxlanılması, aşkarlanması və təmiri, yəni bərpa edilməsi yönündə olan işdir. Digəri isə Məhərrəmov Cəfər müəllimin, İbrahim Cəfərovun rəhbərliyi altında aparılan üzüm xəstəliklərilə bağlı olan layihədir".

Hər iki layihə bütövlükdə Qərb bölgəsini əhatə edəcək və 1 il müddətində həyata keçiriləcək.

Zaur Həsənov- kənd təsərrüfatı elmləri doktoru, professor: "Əsas məqsəd birinci növbədə əhalinin dayanıqlı ərzaq məhsulları ilə təmin edilməsində yerli məhsullara üstünlük verilməsidir. Bizim yerli, illərdir istifadə olunan çox qiymətli, bioloji fəal maddələrlə zəngin olan bitkilərin, ənənəvi, yaddan çıxmış bitki sortlarının seçilməsi və az istifadə olunan qeyri-ənənəvi bitkilərin təkrar dövriyyəyə qaytarılmasının aşkarlanması və onların yerli şəraitdə istehsalı ilə məşğul omaqdır məqsədimiz".

Qeyd edək ki, layihələrin icrasına iyulun 1-dən başlanacaq.

http://www.kepeztv.az