Vəzifəsindən çıxarılan sabiq Beyləqan rayon icra başçısı Vaqif Abdullayevlə, işdən çıxarılan keçmiş təhsil şöbəsinin müdiri Xuraman Rüstəmova ilə bağlı PİA.az-a ilginc məlumat daxil olub. Verilən məlumata görə Beyləqan rayonunda bir neçə kənd məktəb direktorlarının rəsmi şikayətləri əsasında keçmiş təhsil şöbəsinin müdiri Xuraman Rüstəmovaya rüşvət alma maddəsi ilə cinayət işi açılıb. Baş Prokuroluğun yanında Korrupsiya idarəsində açılan cinayət işində Xuraman Rüstəmovanın 6 (altı) məktəb direktorlarından rüşvət alması barədə 10-dan çox auido səs yazısının olduğu deyilir.

Məlumatın ən ilginc tərəfi isə keçmiş təhsil idarəsi müdiri Xuraman Rüstəmovanın audio səs yazılarında aldığı rüşvəti icra başşçısı Vaqif Abdullayevə verməsini bildirməsidir.

Səs yazısında keçmiş təhsil idarəsi müdiri məktəb direktorlarından alınan rüşvəti Beyləqan şəhərinin abadlığına xərclənməsi adı altında sabiq başçıya verdiyini etiraf edib. Xanım Rüstəmovanın sabiq başçı barədə izahat verdikdən sonra Vaqif Abdullayevin Xuraman Rüstəmova ilə üzləşdirildiyi bildirilir.

Saytımıza hüquq mühafizə orqanlarından daxil olan məlumatda vurğulanır ki, təhsil idarəsinin keçmiş müdiri Vaqif Abdullayevin üzünə duraraq məktəb direktorlarından aldığı rüşvətin (audio yazıda dediyi kimi) böyük hissəsini ona verdiyini etiraf edib. Xuraman Rüstəmovanın keçmiş başçının üzünə durması isə Vaqif Abdullayevi məsələyə müdaxilə etməyə məcbur edib.

Məlumata görə YAP Siyası Şurasının üzvü məcburən Xuraman Rüstəmovaya açılan cinayət işinin bağlanması üçün hakimiyyətin yuxarı dairələrinə xahiş edib. Həmçinin Vaqif Abullayev yaxın dostu iş adamı “Veteks-2017” şikətinin rəhbəri Vüqar Aslanov vasitəsi ilə Xuraman Rüstəmova ilə danışıqlar apararaq keçmiş təhsil müdirinin onunla bağlı əlavə izahatlar verməməsini istəyib.

Məlumatda açılan cinayət işində Xuraman Rüstəmovanın səs auido yazısında aldığı rüşvəti Vaqif Abdullayevə verəcəyini açıq aşkar səsləndirdiyi üçün cinayət işini bağlamaqda çətinlik çəkdiyi bildirilir. Çünki açılan cinayət işində şahid və zərəçəkən qismində 6 (altı) məktəb direktoru, xeyli sayda müəllim var və onladan alınan izahatlar Xuraman Rüstəmovanı çətin vəziyyətə salıb. Cinayət işinin ləğv olunması üçün şikayətçilərin də öz şikayətlərindən imtina etmələri əsas şərt olaraq ortaya qoyulub. Lalin bu heç də asan görünmür.

Məlumatda vurğulanır ki, haqqında açılan və Vaqif Abdullayevində adının kçdiyi cinayət işinin bağlanması üçün Beyləqan rayonundakı obyektlərini və paytaxtdakı evlərini satışa çıxartdığı deyilir. Xuraman Rüstəmova həmçinin Vaqif Abdullayevdən də şikayətçiklərin pulunu geri qaytarmağı tələb edir. Sabiq başçının da xanım Rüstəmovaya köməklik edəcəyi sözünü verdiyi bildirilir.

Mövzuya qayıdacağıq.

Qarşı tərəfin mövqeyini verməyə hazırıq.