Xocalı şəhər, Buluca kəndində qeydiyyatda olan, Suraxanı rayonu Hövsan qəsəbəsi R. Abdullayev küçəsi ev 2, mənzil 5 ünvanında yaşayan 2-ci qrup Qarabağ müharibə əlili, Əzimov Qədir Həsənbala oğlu bir sıra dövlət qurumlarına müraciət ünvanlayıb. Bir nüsxəsi də DİA.AZ-a daxil olan ərizədə deyilir:

"Bildirmək istəyirəm ki, may 1991-ci ildən fevral 1992-ci ilədək 817 saylı hərbi hissədə (Xocalı şəhər özünümüdafiə dəstəsinin tərkibində) Azərbaycan Respublikasının ərazi bütövlüyü uğrunda gedən döyüşlərdə iştirak etmişəm.

Hal-hazırda 2-ci qrup Qarabağ müharibə əlilləm.

15.02.2019-cu ildən etibarən Müdafiə Nazirliyinin Maliyyə və Büdcə İdarəsinin Pensiya Təminat Şöbəsinə müraciət edirəm, müraciətimə cavab verilmir, mənə qarşı süründürməçilik edilir, sənətlərim aidiyyatı üzrə həmişəki kimi polkovnik leytenant Roman Patenko tərəfindən icra edilmir.

Hörmətli dövlət və idarələrin rəhbər vəzifəli şəxsləri mən bilirəm ki, həmin şöbədən məni kimi olan minlərlərə müharibə əlillərinə hərbi qüllüqçu kimi pensiya təyin edilmişdir, necə ola bilər bu şöbə onu görmür, mənə qarşı bu kimi haqsızlığa və ədalətsizliyə yol verilir.

Belə ki, nəzərinizə çatdırmaq istəyirəm ki, mənim bütün aidiyyatı sənədlərim, Maliyyə və Büdcə İdarəsinə təqdim edilib, lakin icra edilmir, mən isə məcbur qalıb lüzumsuz məhkəməyə müraciət etmişəm.

Sizdən xahiş edirəm ki, bu haqsızlığa son qoyasınız, mənə hərbi qulluqçu kimi pensiya təyin edilməsi məqsədi ilə şəxsi işimin istənilməsi üçün SHXÇDX-nə və SHXÇDX-nin Xocalı şəhər şöbəsinə sorğu göndərəsiniz və pensiya təyin olunması üçün müəyyən olunmuş qaydada “Məlumat vərəqi”nin Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Xüsusi Şərtlərlə Təyinat idarəsinə təqdim edilməsinə köməkdarlıq edəsiniz".

İddia olunanlarla bağlı dia.az olaraq bütün tərəfləri dinləməyə hazırıq...