Ümummilli lider Heydər Əliyevin abidəsi ziyarət olunduqdan sonra Gəncə Regional Ədliyyə Şöbəsində dəyirmi masa təşkil olunub. 96 illik tarixi dövr ərzində ədliyyə nazirliyinin zəngin bir yol keçərək müasir inkişaf mərhələsinə çatmasından, dövlətin hüquq siyasətini həyata keçirən bir orqana çevrilməsi və səlahiyyətlərindən söhbət açılıb. Bildirilib ki, Azərbaycanda ədliyyə orqanlarının işinin müasir tələblər səviyyəsinə qaldırılması üçün əsaslı tədbirlər həyata keçirilir və ümummilli lider Heydər Əliyevin 11 noyabr 2000-ci il tarixli sərəncamı ilə 22 noyabr ədliyyə işçilərinin peşə bayramı günü kimi müəyyən edilib. Gəncə Regional Ədliyyə Şöbəsi isə hazırda Gəncənin Kəpəz və Nizami rayonları ilə yanaşı ətraf yeddi rayona xidmət göstərir.

kepeztv/az