1958-ci ildə istismara verilən Yuxarı Şirvan Kanalı respublikanın ikinci ən böyük magistral suvarma kanalıdır. Kanalın istismara verilməsi Şirvan düzündə öz axını ilə suvarılan sahələrin su ilə təmin olunmasına şərait yaradır. Kanaldan su ilə təmin olunan Yevlax, Ağdaş, Göyçay, Ucar, Kürdəmir, Ağsu, Zərdab, İsmayıllı, Hacıqabul və Şamaxı rayonlarının 150 min hektar torpaq sahələri suvarma suyu ilə təmin edilir.Qeyd edək ki, ölkənin ikinci ən böyük kanalı olan torpaq məcralı Yuxarı Şirvan suvarma kanalı fasiləsiz istismar olunduğu 65 ildən çox müddət ərzində cari və əsaslı təmirinə baxmayaraq, onun torpaq məcrasında baş verən dəyişikliklər, eləcə də qurğuların öz funksiyasını itirməsi su itkisinin artmasına səbəb olmuşdur.Yuxarı Şirvan suvarma kanalının infrastrukturunun bərpası, su təminatı məsələlərinin vaxtında və səmərəli şəkildə həllinin dəstəklənməsi, kanalın suburaxma qabiliyyətinin artırılması məqsədilə cənab prezident sərəncam imzaladı və suvarma kanalınını adı dəyişdirilərək “Şirvan Suvarma kanalı” adlandırıldı.
Şirvan Kanalının əhəmiyyəti və prespektivi göz önündədir. Bu kanal həm suyun həcminə, həm də əkin sahələrinə görə ən böyük layihədir. Azərbaycanda bir çox infrastruktur layihələri öz həllini tapmışdır.Qazlaşdırmanın səviyyəsi 96 faizə çatıb. Elektrik enerjisi ilə təminat və yeni elektrik stansiyalarının yaradılması geniş vüsət alıb və əhəmiyyətli dərəcədə irəliləyişə nail
olmuşuq. Hökumətin qarşısında duran əsas infrastruktur layihələri arasında başlıca vəzifə içməli su layihələri və suvarma layihələri olacaqdır.
Suya qənaət hər birimizin işidir, ilk növbədə, dövlət və biz bu işi
görürük. Şirvan və Qarabağ kanalları Taxtakörpü kanalı ilə birlikdə ən böyük suvarma kanalları olduğu üçün bu layihələrə xüsusi əhəmiyyət verilir. Vaxtilə Ermənistan təkcə bizim torpaqlarımızı yox, bizim su resurslarımızı
da işğal etmişdir. Vətən müharibəsi və antiterror əməliyyatı nəticəsində biz öz su mənbələrimizə tam sahib olmuşuq; Qarabağ və Şərqi Zəngəzurda mövcud olan su resursları bizim ümumi su resurslarımızın 25 faizini təşkil edir. Beləki Ağdamda Xaçınçay Füzulidə Köndələnçay və Laçında Zabuxçay su anbarının inşası su ehtiyatlarımızın artması əkin sahələrinin genişləndirilməsi və kənd təsərrüfatının inkişafı deməkdir.

Maştağa qəsəbəsi, 293 saylı orta məktəbin
İngilis dili müəlliməsi Lamiyə Mikayılova