Bildiyimiz kimi qlobal istiləşmə ilə bağlı yer kürəmizin su ehtiyatı azalır. Yağıntıların azalması su qıtlığına gətirib çıxarır. Bu hal bizim ölkəmizdə də özünü göstərməyə başlayır. İllik yağıntının miqdarının azalması çayların, göllərin və dənizlərin su səviyyəsinin aşağı düşməsinə səbəb olur. Çıxış yolu olaraq gələcəyimiz üçün su ehtiyyatı təmin etməliyik.
Prezident İlham Əliyev su ehtiyatının yaxşılaşdırılması ilə əlaqədar 12 apreldə su sərəncamlarını imzalayıb. Sərəncamlardan biri ” Bakı şəhəri və Bakı ətrafı ərazilərin su təminatının yaxşılaşdırılmasıdır”.
Su təminatının yaxşılaşdırılması üçün əsas nəzərdə tutulmuş çıxış yolu Xəzər dənizinin suyunun duzsuzlaşdırılmasıdır. Bu üsulla su istehsalı sahəsində pilot layihə həyata keçirilməsi nəzərdə tutulur. Suya qənaət etmək məqsədi ilə Xəzər dənizinin suyunun duzsuzlaşdırılması layihəsi vaxtında görülmüş işdir. Bu üsulla biz Xəzər dənizinin suyundan istifadə edəcəyik.
Su ehtiyyatının bol olması həm kənd təsərrüfatına, həm də insanların gündəlik istifadəsi üçün əhəmiyyət kəsb edir. İçməli suya bu üsulla çox qənaət etmiş oluruq.
Xəzər dənizinin suyunun şirin olması duzsuzlaşdırılmasında çox böyük rol oynayır. Çünki bu zaman sərf olunan enerji az olur. Bir sözlə qərara alınan layihə çox əlverişli və vacib sənəddir.

Sabunçu qəsəbəsi, 215 nömrəli tam orta məktəbin
Riyaziyyat müəllimi Aidə Camalova